Горад Тракай літ.: Trakai Герб Краіна  Літва Павет Вільнюскі Раён Тракайскі Сянюнія Тракайская Каардынаты 54°38′00″ пн. ш. 24°56′00″ у. д. Першая згадка 1337 Плошча 11,5 км² Вышыня цэнтра 155 м Насельніцтва ▲5 912 чал. (1 студзеня 2023)[1] Часавы пояс UTC+2, летам UTC+3 Паштовыя індэксы LT-21001 Афіцыйны сайт trakai.lt Тракай на карце Літвы

Медыяфайлы на Вікісховішчы

Трака́й (літ.: Trakai, традыцыйная беларуская назва — Трокі, польск.: Troki) — горад у Літве, знаходзіцца на захад ад Вільнюса, паміж Тракайскімі азёрамі.

Колькасць насельніцтва — 6,1 тыс. чал. (2001).

Вузел аўтамабільных дарог, чыгуначная станцыя. У горадзе ёсць прадпрыемствы харчовай і мясцовай прамысловасці. Тракай — важны турыстычны цэнтр сучаснай Літвы.

Гісторыя

Трокі былі заснаваныя ў ХІІ стагоддзі. У XIV—XV стагоддзях яны сталі значным палітычным цэнтрам Вялікага Княства Літоўскага, рэзідэнцыяй вялікіх князёў — з 1320 года Гедзіміна, з 1341 года Кейстута, потым Вітаўта. Апошні перасяліў сюды караімаў, якія жывуць у горадзе і цяпер. У 1409 годзе Трокі атрымалі гарадскія правы, у 1413—1795 гадах горад быў цэнтрам Троцкага ваяводства Вялікага Княства Літоўскага.

Пасля падзелаў Рэчы Паспалітай Трокі перайшлі да Расійскай імперыі. Да 1920 года горад знаходзіўся ў складзе Віленскай губерні. Затым Трокі на некаторы час апынуліся ў складзе Сярэдняй Літвы (1920—1922), потым належалі да Польшчы, а з кастрычніка 1939 года перайшлі да Літвы.

Старая частка горада (да XV стагоддзя) з’яўляецца помнікам горадабудаўніцтва.

Помнікі

• Рэшткі замка ХІІІ стагоддзя
• Тракайскі замак
• Касцёл Вітаўта (1409, перабудаваны ў ХVІІІ стагоддзі ў стылі барока)
• Руіны кляштара бернардзінцаў (ХVІІ—ХVІІІ стагоддзі)
• Кінеса — храм караімаў (ХVІІІ стагоддзе)
• Палац Тышкевічаў (1896)

Вядомыя асобы

• Абрагам бен Ёшыягу (1626—1687) — караімскі рэлігійны дзеяч, паэт, лекар
• Іосіф Іпалітавіч Жылінскі (1834—1916) — геадэзіст

У сямейнай капліцы Ромераў у касцёле Найсвяцейшай Дзевы Марыі пахаваныя грамадска-палітычны дзеяч Міхал Ромер (1778—1853) з жонкай, грамадскі дзеяч i мастак Эдвард Ян Ромер (1806—1878) з другой жонкай, мастак Альфрэд Ізідор Ромер (1832—1897).

Спорт

• ФК Тракай — футбольны клуб (2005—2018).
• Гарадскі стадыён па футболу.

Галерэя

Гарады-пабрацімы

Спасылкі

• Трокі — горад паміж азёрамі ў Юркавым куточку Архівавана 14 студзеня 2012..

1. ↑ Resident population by city / town at the beginning of the year — State Data Agency of Lithuania, 2023. Праверана 12 лютага 2023.
   <a href='https://wikidata.org/wiki/Track:Q112626509'></a><a href='https://wikidata.org/wiki/Track:Q12663462'></a>
2. 1 2 3 4 5 6 7 8 9 10 11 12 13 14 http://www.trakai.lt/index.php?813797980
3. ↑ http://www.mvk.if.ua/news/4114/
4. 1 2 3 4 5 6 7 8 9 10 11 12 13 https://www.trakai.lt/gyventojams/tarptautinis-bendradarbiavimas/miestai-partneriai/631
5. ↑ https://www.koszalin.pl/pl/page/miasta-partnerskie
6. ↑ https://www.lutskrada.gov.ua/en/pages/pobratymy-lutska
7. ↑ http://www.pmtgv.ro/anexaHCL110-2014.pdf