Тамара Уладзіміраўна Скварцова
Дата нараджэння	9 сакавіка 1946(1946-03-09) (78 гадоў)
Месца нараджэння	Бялевічы, Бялевіцкі сельсавет, Чырвонаслабодскі раён, Бабруйская вобласць, БССР, СССР
Адукацыя	БДУ (1970)
Прафесія	тэатральная актрыса
Тэатр	Нацыянальны акадэмічны тэатр імя Янкі Купалы Нацыянальны акадэмічны драматычны тэатр імя Якуба Коласа
Узнагароды	Нагрудны знак «За ўклад у развіццё культуры Беларусі» (2000) Ганаровая грамата Савета Міністраў Рэспублікі Беларусь (2006) Ганаровая грамата Міністэрства культуры Беларусі[d] (2016)

Тамара Уладзіміраўна Скварцова (нар. 9 сакавіка 1946, Бялевічы, Слуцкі раён, Мінская вобласць) — беларуская тэатральная актрыса. Заслужаная артыстка Рэспублікі Беларусь (2003).

Біяграфія

З 1963 па 1964 гады навучалася на Рэспубліканскіх курсах па падрыхтоўцы кіраўнікоў самадзейных драматычных калектываў (Мінск). З 1964 па 1970 гады навучалася ў Беларускім дзяржаўным ўніверсітэце. З 1967 па 1969 гады навучалася ў студыі пры Беларускім дзяржаўным тэатры імя Янкі Купалы.

З 1970 па 1971 гады працавала ў Беларускім дзяржаўным тэатры імя Янкі Купалы. З 1971 года працуе ў Нацыянальным акадэмічным драматычным тэатры імя Якуба Коласа.

Ролі

• Жонка Суддзі («Несцерка» В. Вольскага)
• Сцяпанаўна («Шагал… Шагал…» паводле п’есы У. Драздова «Прамы вагон да Парыжа з усімі перасадкамі»)
• Эдда («Матылёк… Матылёк…» А. Нікалаі)
• Бабуля Агапа («Агнявы Леў» А. Кружнова)
• Мамі («Восем закаханых жанчын» Р. Тама)
• Старая («Бальніца на краі свету» Х. Бойчава)
• Другая Жняя («Кот у ботах» А. Замкоўскага паводле Шарля Пэро)
• Разалія Саламена («Шлюб па-італьянску» па п’есе Эдуарда дэ Філіпа «Філумена Мартурана»)

Узнагароды

• 1999 — прэмія Беларускага саюза тэатральных дзеячаў за выдатнае выкананне ролі Барабошавай у спектаклі «Праўда — добра, а шчасце лепш».
• 2000 — нагрудны знак Міністэрства культуры Рэспублікі Беларусь «За ўклад у развіццё культуры Беларусі».
• 2003 — ганаровае званне «Заслужаны артыст Рэспублікі Беларусь».
• 2006 — Ганаровая грамата Савета Міністраў Рэспублікі Беларусь.
• 2014 — дыплом «За псіхалагічную праўду вобраза ў сцэнічным увасабленні сучаснай прозы» на IV Міжнародным тэатральным фестывалі «Родниковое слово» (Архангельск, Расія) за ролю Бабулі ў спектаклі «Пахавайце мяне за плінтусам».
• 2014 — «Залаты дыплом» на Міжнародным тэатральным форуме «Залаты Віцязь» у межах Славянскага форуму мастацтваў «Залаты Віцязь» (Масква, Расія) за ролю Бабулі ў спектаклі «Пахавайце мяне за плінтусам».
• 2016 — Ганаровая грамата Міністэрства культуры Рэспублікі Беларусь.
• 2016 — прыз «Найлепшая жаночая роля» на VI Міжнародным фестывалі камерных і монаспектакляў «LUDI» (Арол, Расія) за ролю Бабулі ў спектаклі «Пахавайце мяне за плінтусам».