Тамара Лазаковіч
Алімпійскія гульні ў Мюнхене (1972). Пераможцы ў шматбор’і. Карын Янц (ГДР) 2-е месца. У цэнтры — Людміла Турышчава (СССР) 1-е месца. Тамара Лазаковіч (СССР), 3-е месца.
Алімпійскія гульні ў Мюнхене (1972). Пераможцы ў шматбор’і. Карын Янц (ГДР) 2-е месца. У цэнтры — Людміла Турышчава (СССР) 1-е месца. Тамара Лазаковіч (СССР), 3-е месца.
Агульная інфармацыя
Пол жанчына
Поўнае імя Тамара Васільеўна Лазаковіч
Спецыялізацыя спартыўная гімнастыка
Нарадзілася 11 сакавіка 1954(1954-03-11)
Памерла 1 лістапада 1992(1992-11-01) (38 гадоў)
Пахаванне
Грамадзянства  СССР
 Беларусь
Рост 162 см
Вага 51 кг
Узнагароды і медалі
Летнія Алімпійскія гульні
Золата Мюнхен 1972 Каманднае першынство
Серабро Мюнхен 1972 Бервяно
Бронза Мюнхен 1972 Абсалютнае першынство
Бронза Мюнхен 1972 Вольныя практыкаванні
Лагатып Вікісховішча Медыяфайлы на Вікісховішчы

Тамара Васілеўна Лазаковіч (11 сакавіка 1954, с. Гусева, Калінінградская вобласць, РСФСР, СССР — 1 лістапада 1992, Віцебск, Беларусь) — беларуская гімнастка. Заслужаны майстар спорту СССР (1972), неаднаразовая чэмпіёнка СССР, Еўропы і свету па спартыўнай гімнастыцы, чэмпіёнка XX Алімпійскіх гульняў у Мюнхене 1972 года.

Самым буйным спартыўным дасягненнем Лазаковіч стала яе перамога на XX Алімпійскіх гульняў у Мюнхене 1972 года, дзе яна стала чэмпіёнкай у камандным заліку і заваявала сярэбраны медаль у практыкаваннях на бервяне і бронзавыя — у мнагабор’і і вольных практыкаваннях. Чэмпіёнка СССР 1970 года, залаты прызёр чэмпіянатаў СССР 1971 і 1972 гг.

Самым удалым стаў для Тамары 1971, калі яна выйграла 3 залатыя медалі чэмпіянату Еўропы, стала чэмпіёнкай свету ў камандным першынстве, абсалютнай чэмпіёнкай Еўропы, абсалютнай пераможцай Спартакіяды народаў СССР і Чэмпіянату СССР. На Чэмпіянаце Еўропы 1972 г, які праводзіўся ў Мінску, Лазаковіч падзяліла тытул чэмпіёнкі з Людмілай Турышчава. Лазаковіч скончыла Віцебскі фізкультурны тэхнікум, аднак не захацела паехаць на вучобу ў Мінск або Маскву, бо не магла пакінуць без дапамогі састарэлага бацьку-інваліда. З сярэдзіны 1970-х і да 1990-х гг. Лазаковіч была на трэнерскай працы, працавала трэнерам у ДЮСШ-1 г. Віцебска і дзяржаўным трэнерам Спорткамітэта СССР па Віцебскай вобласці.

Зноскі

    Літаратура

    • Беларуская энцыклапедыя: У 18 т. Т.9: Кулібін — Малаіта / Рэдкал.: Г. П. Пашкоў і інш. — Мн.: БелЭн, 1999. — Т. 9. — 560 с. — 10 000 экз. — ISBN 985-11-0155-9 (т.9)
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.