СіндбадM:
венг.: Szindbád
Жанр драматычны фільм[1]
Рэжысёр
Сцэнарыст
У галоўных
ролях
Аператар
Кампазітар
Працягласць 90 хв.
Краіна
Мова венгерская мова
Год 25 лістапада 1971[2]
IMDb ID 0067815

«Сіндба́д» (венг.: Szindbád) — венгерскі фільм 1971 года, пастаўлены рэжысёрам Золтанам Хусарыкам па апавяданнях пісьменніка Дзьюла Крудзі. Галоўную ролю ў карціне выканаў Золтан Лаціновіч[4].

Прэм’ера фільма адбылася 25 лістапада 1971 года ў Венгрыі. У жніўні 1972 года карціна брала ўдзел у 33-м Венецыянскім кінафестывалі. У 2000 годзе фільм быў уключаны ў «Будапештскі тузін» найлепшых фільмаў венгерскага кінематографа.

Сюжэт

Позняй восенню па тужлівай венгерскай правінцыі коціцца брычка з прыстойна апранутым, але мёртвым спадаром (Золтан Лаціновіч). Конь звыкла трымае шлях ад адной дамы сэрца да іншай, але хаваць мужчыну, які, судзячы па ўсім, пражыў вельмі насычанае жыццё, ні адна з іх не спяшаецца[5].

Акцёрскі склад

   Золтан Лаціновіч   –   Сіндбад
   Маргіт Дайка   –   Маймунка
   Ева Руткаі   –   Ленке
   Анна Надзь   –   Фружына
   Эрыка Сегедзі   –   Фларэнціна
   Бела Танаі   –   Фані
   Марыя Мед’ешы   –   Паўла
   Эва Пап   –   дзяўчына з прыгожымі вачыма
   Анна Мустэ   –   кветачніца
   Ілона Дорыян   –  
   Магда Штыф   –  

Вытворчасць

Першапачаткова на ролю Сіндбада быў выбраны італьянскі акцёр Віторыа дэ Сіка. Але пасля таго, як прадзюсары адмовілі яго сыну ў магчымасці напісаць саўндтрэк да карціны, Дэ Сіка адхіліў прапанову, і роля была перададзена вядомаму венгерскаму акцёру Золтану Лаціновічу[6].

Выхад

Прэм’ера карціны адбылася 25 лістапада 1971 года ў Венгрыі[7]. У жніўні 1972 года фільм браў удзел у Венецыянскім кінафестывалі, у асноўнай праграме «Венецыя 33»[8]. 25 кастрычніка 1974 адбылася прэм’ера фільма ў Нью-Ёрку[9].

У 2011 годзе фільм быў алічбаваны і выдадзены на DVD[10].

Ніжэй прыведзены спіс прэм’ер фільма паводле краін у храналагічным парадку[7]:

Дата Краіна Удакладненне
25.11.1971 Венгрыя
жнівень 1972 ІталіяВенецыянскі кінафестываль
17.11.1972 ГДР
30.06.1973 Швецыяпрэм’ера на тэлебачанні
25.10.1974 ЗШАНью-Ёрк
08.11.1974 Фінляндыя
1977 Партугалія
красавік 1980 ЗШАКінафестываль у Кліўлендзе
13.11.2021 ЭстоніяТалінскі кінафестываль «Цёмныя ночы»
29.04.2023 ПольшчаЦешынскі кінафестываль «Кіно на мяжы»

Крытыка

Крытыкі аднадушна ўхвалілі фільм за прыгажосць вобразаў і аператарскую працу. Так, Нора Сэйр з «The New York Times» адзначыла, што «атмасфера гэтага фільма можа здацца банальнай — але гэта не так з-за незвычайных (і вельмі прыгожых) вобразаў, якія льюцца з экрана»[9]. Па меркаванні кінакрытыка Дэніса Шварца фільм «уяўляе сабой дзівосную арыгінальную працу з вобразамі, якой у значнай ступені спрыяе цудоўная аператарская праца Шандара Шары, і напоўнены выдатнымі гістарычнымі кадрамі ў сельскай мясцовасці, маляўнічымі касцюмамі і парадам жаночай прыгажосці»[11]. Аглядальнік з «The Village Voice» заявіў, што «найбольшае задавальненне тут — пачуццёвае, з захапляльнымі ўрэзкамі флоры, фаўны і пацёртых фотаздымкаў, што стварае ўражанне сюррэалістычнага папярэдніцтва такіх творцаў, як Тэрэнс Малік і Вернер Херцаг»[12].

У 2000 годзе фільм быў уключаны ў «Будапештскі тузін» найлепшых фільмаў венгерскага кінематографа[13].

Узнагароды

Фільм быў узнагароджаны прэміяй Джозефа фон Штэрнберга на Міжнародным кінафестывалі Мангейм — Гейдэльберг[14].

Крыніцы

  1. 1 2 http://www.imdb.com/title/tt0067815/ Праверана 11 красавіка 2016.
  2. 1 2 3 4 5 выгрузка даных Freebase — Google.
  3. ↑ http://stopklatka.pl/film/sindbad Праверана 11 красавіка 2016.
  4. ↑ Szindbád (1971) — IMDb (англ.). Сайт «Internet Movie Database». Праверана 12 сакавіка 2022.
  5. ↑ Василий Степанов. Отзыв о фильме «Синдбад» (руск.). Сайт «Афиша» (9 кастрычніка 2013). Архівавана з першакрыніцы 24 сакавіка 2022. Праверана 24 сакавіка 2022.
  6. ↑ Parky at the Pictures (DVD 14/7/2011) (англ.). Сайт «Oxford Mail» (14 ліпеня 2011). Архівавана з першакрыніцы 23 снежня 2022. Праверана 24 студзеня 2024.
  7. 1 2 Szindbád — Release Info (англ.). Сайт «Internet Movie Database». Праверана 12 сакавіка 2022.
  8. ↑ Venezia: questi i film della XXXIII Mostra (італ.)(недаступная спасылка). Сайт газеты «l'Unità». Архівавана з першакрыніцы 20 снежня 2016. Праверана 20 снежня 2016.
  9. 1 2 Nora Sayre. Film: A Rueful 'Sindbad':Hungarian Import Is at Screening Room(англ.) // The New York Times. — 1974-10-25.
  10. ↑ Szindbád, Second Run DVD (UK), July 2011. (Region 0).
  11. ↑ Dennis Schwartz. Sinbad (англ.). Сайт Дэніса Шварца (5 лютага 2008). Архівавана з першакрыніцы 29 мая 2023. Праверана 24 сакавіка 2022.
  12. ↑ Michael Nordine. Look Back on the Life of a Loutish Lover in the Formerly Lost Hungarian Great ‘Szindbád’ (англ.). Сайт «The Village Voice» (8 чэрвеня 2016). Архівавана з першакрыніцы 22 верасня 2023. Праверана 22 верасня 2023.
  13. ↑ "Új Budapesti Tizenkettő". Filmvilág. XLIII (3): 2. March 2000.
  14. ↑ Szindbád — Awards (англ.). Сайт «Internet Movie Database». Праверана 12 сакавіка 2022.

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.