Сідра (вёска)

Сідра
	Герб
Краіна	Польшча
Ваяводства	Падляскае
Павет	Сакульскі
Гміна	Сідра
Каардынаты	53°33′11″ пн. ш. 23°26′55″ у. д.
Насельніцтва	673 чалавекі (2011)
Часавы пояс	UTC+1, летам UTC+2
Паштовыя індэксы	16-124
Аўтамабільны код	BSU
	Медыяфайлы на Вікісховішчы

Сідра (польск.: Sidra) — вёска ў Польшчы, за 18 км на поўнач ад Сакулкі, за 52 км на поўнач ад Беластока, на рацэ Сідры. Уваходзіць у склад Сакульскага павета Падляскага ваяводства, сядзіба вясковай гміны Сідра.

Гісторыя

Касцёл, каля 1900 г.

Вялікае Княства Літоўскае

Землі, на якіх з’явілася Сідра, знаходзіліся ў валоданні Гаштольдаў, Галоўчынскіх, Валовічаў. У 1560-я гады Астафій Валовіч заснаваў тут кальвінскі збор. У 1566 годзе вялікі князь Жыгімонт Аўгуст надаў Сідры гарадскія правы.

У 1630 годзе Сідра перайшла ў валоданне Патоцкіх, якія перабудавалі замак пад палац. У 1704 годзе новыя ўладальнікі мястэчка Шчукі заснавалі тут каталіцкую парафію.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Сідра апынулася ў складзе Прусіі, у Беластоцкім дэпартаменце. У 1807 годзе згодна з Тыльзіцкім мірным дагаворам паміж Расіяй і Францыяй, мястэчка апынулася ў Беластоцкай вобласці Расійскай імперыі.

На 1878 год у Сідры было 110 драўляных будынкаў. У часы Першай сусветнай вайны ў 1915 годзе мястэчка занялі нямецкія войскі.

Найноўшы час

Пасля польска-савецкай вайны, згодна з Рыжскім мірным дагаворам 1921 года Сідра ў складзе міжваеннай Польскай Рэспублікі, у Гродзенскім павеце Беластоцкага ваяводства.

З пачаткам Другой сусветнай вайны 15 верасня 1939 года Сідру акупавалі войскі Трэцяга Рэйха, але праз тыдзень вёску перадалі СССР згодна з пактам Молатава-Рыбентропа. У лістападзе 1939 года Сідра ўвайшла ў склад БССР, у Беластоцкую вобласць. З чэрвеня 1941 да верасня 1944 года вёска зноў знаходзілася пад нямецкай акупацыяй. 16 жніўня 1945 года ўлады СССР перадалі Сідру Польскай Народнай Рэспубліцы.

Насельніцтва

XIX стагоддзе: 1878 год — 920 чал.^[1]
XXI стагоддзе: 2011 год — 673 чал.

Славутасці

Замчышча
Кальвінскі збор (2-я палова XVI ст., захаваліся руіны)
Касцёл Найсвяцейшай Тройцы (XVIII ст.)

Галерэя

Краявіды Сідры
Замчышча
Руіны збора
Касцёл
Інтэр’ер касцёла

Зноскі

↑ Krzywicki J. Sidra // Słownik geograficzny Królestwa Polskiego i innych krajów słowiańskich. Tom X: Rukszenice — Sochaczew (польск.). — Warszawa, 1889. S. 482.

Спасылкі

На Вікісховішчы ёсць медыяфайлы па тэме Сідра (вёска)

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Krzywicki J. Sidra // Słownik geograficzny Królestwa Polskiego i innych krajów słowiańskich. Tom X: Rukszenice — Sochaczew (польск.). — Warszawa, 1889. S. 482.

[1]