Сяргей Міхайлавіч Кішкін
Намеснік старшыні Савета Міністраў БССР 1965 — 1974
Кіраўнік урада	Ціхан Кісялёў
Старшыня Саўнаргаса БССР 1963 — 1965
Кіраўнік урада	Ціхан Кісялёў
Папярэднік	Аляксандр Тарасаў
Пераемнік	пасада скасаваная
Дырэктар Мінскага аўтазавода 1955 — 1959
Папярэднік	Уладзімір Майбарада
Пераемнік	Іван Дзёмін
Нараджэнне	12 (25) верасня 1909 Гусь-Жалезны, Касімаўскі павет[d], Разанская губерня, Расійская імперыя
Смерць	14 мая 1993(1993-05-14) (83 гады)
Узнагароды

Сярге́й Міха́йлавіч Кі́шкін (12 (25) верасня 1909, в. Гусь-Жалезны Меленкаўскага павета Уладзімірскай губерні — 14 мая 1993) — дзяржаўны і гаспадарчы дзеяч БССР. Лаурэат Дзяржаўнай прэміі СССР (1950).

Біяграфія

З рабочых. Член КПСС (1930). Скончыў Маскоўскі інстытут сельскагаспадарчага машынабудавання імя Калініна (1935).

У 1924—1930 працаваў на Люберацкім заводзе сельскагаспадарчых машын (Маскоўская вобласць). У 1934—1955 інжынер, галоўны інжынер, начальнік цэха, зборачнага корпуса, аддзела тэхнічнага кантролю Горкаўскага аўтазавода. З 1955 года дырэктар Мінскага аўтазавода, начальнік упраўлення машына- і станкабудавання Саўнаргаса БССР, з 1962 года намеснік старшыні, старшыня Саўнаргаса БССР. З кастрычніка 1965 і да 1974 года намеснік старшыні Савета Міністраў БССР.

На XXII і на XXV з’ездах КПБ абіраўся кандыдатам у члены ЦК, на XXVI—XXVII з’ездах КПБ — членам ЦК КПБ. Дэпутат Вярхоўнага Савета БССР 5—8 скліканняў. Узнагароджаны 4 ордэнамі, медалямі.

Літаратура

• Кішкін Сяргей Міхайлавіч // Беларуская Савецкая Энцыклапедыя. У 12 т. Т. 5. Зуйкі — Кішы / Рэдкал.: П. У. Броўка (гал. рэд.) і інш. — Мн.: БелСЭ, 1972. — С. 613. — 616 с.: іл., карты.