Гандбол
Сяргей Рутэнка
Агульная інфармацыя
Поўнае імя Сяргей Аляксеевіч Рутэнка
Нарадзіўся 29 жніўня 1981(1981-08-29) (42 гады)
Грамадзянства Сцяг Беларусі Беларусь
Рост 198 см
Вага 100 кг
Кідковая рука правая
Пазіцыя левы паўсярэдні, лінейны
Інфармацыя пра клуб
Клуб завяршыў кар'еру
Клубная кар’ера[* 1]
1998—2000 Сцяг Беларусі Аркатрон
2000—2001 Сцяг Славеніі Гарэнье
2001—2005 Сцяг Славеніі Цэле
2005—2009 Сцяг Іспаніі Сьюдад-Рэаль
2009—2015 Сцяг Іспаніі Барселона
2015 Сцяг Катара Лехвія
2016 Сцяг Беларусі СКА Мінск
Нацыянальная зборная[* 2]
2001 Беларусь Беларусь 7 (23)
2004—2007 Славенія Славенія 40 (269)
2010—2016 Беларусь Беларусь 72 (484)
Узнагароды і медалі
Дзяржаўныя ўзнагароды

Заслужаны майстар спорту Рэспублікі Беларусь
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 1 студзеня 2017
Афіцыйны сайт
Лагатып Вікісховішча Медыяфайлы на Вікісховішчы

Сярге́й Рутэ́нка (нар. 29 жніўня 1981, Прывольны, Мінская вобласць) — беларускі гандбаліст, у мінулым меў таксама славенскае і іспанскае грамадзянства. Улетку 2009 года стаў найдаражэйшым гандбалістам свету праз заключэнне з іспанскай «Барселонай» кантракта сумай 1,2 млн еўра з гадавым заробкам каля 240 тыс. еўра[1].

Кар’ера

Выхаванец мінскай школы гандбола. Прафесійную кар’еру пачаў у «Аркатроне», дзе правёў два сезоны (1998—2000).

У 2000 годзе ў складзе моладзевай зборнай стаў срэбраным прызёрам чэмпіянату свету. Пасля гэтага поспеху ў 19-гадовым узросце перайшоў у славенскі «Гарэнье», а праз год — у наймацнейшы клуб краіны — «Цэле».

Першы матч за зборную Беларусі згуляў 4 студзеня 2001 года супраць зборнай Эстоніі. З клубам выйграў свой першы Кубак Еўропы (2004) і стаў найлепшым бамбардзірам спаборніцтва (86 мячоў)[2].

У 2004 годзе прыняў славенскае грамадзянства. Дэбютны матч за Славенію правёў на Алімпіядзе ў Афінах супраць зборнай Расіі. Агулам за Славенію Сяргей Рутэнка правёў 40 гульняў і закінуў 269 мячоў, стаўшы найлепшым бамбардзірам чэмпіянату Еўропы 2006 года (51 гол).

У наступным сезоне «Цэле» саступіў у паўфінале Лігі чэмпіёнаў «Барселоне», аднак Сяргей Рутэнка зноў стаў найлепшым бамбардзірам спаборніцтва з 95 мячамі[3]. Дадаткова ён стаў пераможцам, найлепшым бамбардзірам і найлепшым іграком Суперкубка 2004/05.

У 2005 годзе Рутэнка перайшоў у адзін з наймацнейшых клубаў Еўропы — іспанскі «Сьюдад-Рэаль», з якім цягам чатырох сезонаў здабыў тры перамогі ў Лізе чэмпіёнаў, Лізе ASOBAL і Кубку Іспаніі. У снежні 2008 з ініцыятывы кіраўніцтва клуба праз квоту на легіянераў прыняў грамадзянства Іспаніі. У той жа час Рутэнка выказаў жаданне вярнуцца ў беларускую зборную адразу па завяршэнні неабходнага трохгадовага тэрміна з часу яго апошняй гульні за Славенію.

Улетку 2009 года гандбаліст перайшоў у «Барселону», падпісаўшы з клубам кантракт на 5 гадоў. Сума трансферу склала €1,2 млн, што зрабіла Сяргея Рутэнку найдаражэйшым гандбалістам свету[4].

У студзені 2010 года Рутэнка быў уключаны ў пашыраную заяўку зборнай Беларусі на адборачны турнір чэмпіянату свету 2011, аднак праз юрыдычныя перашкоды вяртанне іграка было адкладзенае. У верасні таго ж года Рутэнка ўсё ж атрымаў права выступаць за Беларусь.

Улетку 2015 года перайшоў у катарскі клуб «Лехвія». У красавіку—маі 2016 года выступаў за мінскі СКА. У снежні 2016 года зноў апынуўся ў Катары, аднак не здолеў дамовіцца з клубам «Аль-Кіяда» аб умовах кантракта і абвясціў аб завяршэнні кар’еры.

17 лістапада 2021 года абраны старшынёй Беларускай тэніснай федэрацыі[5].

Дасягненні

  • 4-разовы чэмпіён Славеніі (2001, 2003, 2004, 2005)
  • 3-разовы ўладальнік Кубка Славеніі (2002, 2003, 2004)
  • 6-разовы чэмпіён Іспаніі (2007, 2008, 2009, 2011, 2012[6], 2015)
  • 5-разовы ўладальнік Кубка Іспаніі (2006, 2007, 2008, 2009, 2011)
  • 2-разовы ўладальнік Суперкубка Іспаніі (2008, 2009)
  • 6-разовы пераможца Лігі чэмпіёнаў (2004, 2006, 2008, 2009, 2011, 2015)
  • Найлепшы бамбардзір Лігі чэмпіёнаў (2004, 2005)
  • 4-разовы ўладальнік Суперкубка Еўропы (2004, 2005, 2006, 2008)
  • Сярэбраны прызёр моладзевага чэмпіянату Еўропы (2000)
  • Найлепшы бамбардзір чэмпіянату Еўропы 2006 года

Статыстыка

Сцяг Беларусі Зборная Беларусі
ГодГульніГалы
2001723
2010211
2011848
2012869
201316117
20141072
20151895
20161072
Усяго79507

Узнагароды

Зноскі

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.