Футбол
Сяргей Карніленка
Агульная інфармацыя
Поўнае імя Сяргей Аляксандравіч Карніленка
Мянушка Карніла, Кара
Нарадзіўся 14 чэрвеня 1983(1983-06-14)[1][2][…] (40 гадоў)
Грамадзянства  Беларусь
Рост 186 см
Вага 90 кг
Пазіцыя нападнік
Інфармацыя пра клуб
Клуб Расія Крылы Саветаў
Пасада спартыўны дырэктар
Клубная кар’ера[* 1]
2000 Беларусь Лакаматыў-96 (Віцебск) 4 (0)
2001—2003 Беларусь Дынама (Мінск) 45 (23)
2004 Украіна Дынама (Кіеў) 9 (2)
2005—2008 Украіна Дняпро (Днепрапятроўск) 80 (23)
2008—2009 Расія Том (Томск) 13 (6)
2009—2011 Расія Зеніт (СПб) 11 (1)
2010 →  Расія Том (Томск) 15 (11)
2010 →  Расія Рубін (Казань) 8 (3)
2011 →  Англія Блэкпул 6 (0)
2011—2019 Расія Крылы Саветаў (Самара) 190 (54)
2021 Расія Крылы Саветаў (Самара) 1 (1)
Нацыянальная зборная[* 2]
2003—2005 Беларусь Беларусь (да 21) 13 (5)
2012 Беларусь Беларусь (алімпійская) 4 (0)
2003—2016 Беларусь Беларусь 78 (17)
Трэнерская кар’ера
2019—2020 Расія Крылы Саветаў (Самара) трэнер
2020— Расія Крылы Саветаў (Самара) сп. дыр.
Узнагароды і медалі
Дзяржаўныя і ведамасныя ўзнагароды
Майстар спорту Беларусі
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 13 мая 2021.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 1 жніўня 2019
Лагатып Вікісховішча Медыяфайлы на Вікісховішчы

Сяргей Аляксандравіч Карніленка (нар. 14 чэрвеня 1983, Віцебск) — беларускі футбаліст, нападнік. Ігрок нацыянальнай зборнай Беларусі (2003—2016). У цяперашні час працуе спартыўным дырэктарам самарскіх «Крылаў Саветаў».

Клубная кар’ера

Пачаў кар’еру ў віцебскім «Лакаматыве-96», пасля перабраўся ў мінскае «Дынама». У 2003 годзе замацаваўся ў аснове і стаў найлепшым бамбардзірам чэмпіянату, пасля чаго перайшоў у кіеўскае «Дынама».

Не змог замацавацца ў кіеўскім клубе і за больш істотнай практыкай перайшоў у днепрапятроўскі «Дняпро», дзе паказваў нядрэнныя бамбардзірскія паказчыкі.

У 2008 годзе ўпершыню апынуўся ў чэмпіянаце Расіі. Спачатку паспяхова гуляў за «Том», пасля чаго быў куплены санкт-пецярбургскім «Зенітам». Некаторы час, з-за траўмы асноўных ігракоў, выступаў у якасці асноўнага нападніка «Зеніта», пасля стаў аддавацца ў арэнды. Сярод іншага, у першай палове 2011 года паспеў згуляць у англійскай Прэм’ер-лізе за «Блэкпул», які па выніках сезона 2010/11 страціў месца ў вышэйшым англійскім дывізіёне.

У жніўні 2011 года перайшоў у расійскі клуб «Крылы Саветаў» з Самары, з якім заключыў кантракт да 2014 года[3].

У ліпені 2019 года абвясціў аб завяршэнні кар’еры[4]. У жніўні вярнуўся ў «Крылы Саветаў» у якасці трэнера[5]. У жніўні 2020 года перайшоў на пасаду спартыўнага дырэктара клуба[6].

У лютым 2021 года быў заяўлены за «Крылы Саветаў» у Першынстве ФНЛ, каб згуляць свой развітальны матч. 8 мая 2021 года выйшаў на замену на 82-й хвіліне матча з «Краснадарам-2», а на 84-й хвіліне забіў гол, усталяваўшы канчатковы лік 6:0[7].

У студзені 2023 года атрымаў трэнерскую ліцэнзію катэгорыі Pro[8].

Міжнародная кар’ера

Гуляў у моладзевай зборнай Беларусі. У нацыянальнай зборнай дэбютаваў 20 жніўня 2003 года ў таварыскім матчы супраць Ірана. З 2005 года стаў трывала выступаць у зборнай, у 2009—2010 гадах быў асноўным нападнікам, які выхадзіў у стартавым складзе.

У 2012 годзе выступаў за алімпійскую зборную Беларусі на Алімпійскіх гульнях у Лондане, быў асноўным нападнікам.

У маі 2017 года абвясціў аб завяршэнні кар’еры ў зборнай Беларусі[9].

Дасягненні

Зноскі

  1. ↑ Sergey Kornilenko // Transfermarkt — 2000. Праверана 9 кастрычніка 2017.
  2. ↑ Sergei Kornilenko // FBref.com
  3. ↑ Сергей Корниленко переходит в самарские «Крылья Советов» (руск.) «Прессбол», 25 жніўня 2011
  4. ↑ Футбол. Сергей Корниленко завершил карьеру футболиста Архівавана 1 жніўня 2019. (руск.) «Прессбол», 10 ліпеня 2019
  5. ↑ Корниленко вошел в тренерский штаб «Крыльев Советов» (руск.)
  6. ↑ Корниленко стал спортивным директором "Крыльев Советов" (руск.)
  7. ↑ ФНЛ. Сергей Корниленко, который не играл два года, вышел на 82-й минуте прощального матча и забил гол "Краснодару-2" (руск.)(недаступная спасылка). Прессбол. Архівавана з першакрыніцы 8 мая 2021. Праверана 8 мая 2021.
  8. ↑ Сергей Корниленко обзавелся тренерской лицензией категории PRO (руск.). football.by (11 студзеня 2023). Праверана 11 студзеня 2023.
  9. ↑ Сергей Корниленко завершил карьеру в сборной Беларуси (руск.)

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.