Вёска
Сцяпянка
Чыгуначная станцыя Сцяпянка
Чыгуначная станцыя Сцяпянка
Краіна
Вобласць
Раён
Сельсавет
Зялёналугскі
Каардынаты
53°54′40,50″ пн. ш. 27°40′44,50″ у. д.
Ранейшыя назвы
Ліпкі
Сцяпянка на карце Беларусі ±
Сцяпянка (вёска) (Беларусь)
Сцяпянка (вёска)
Сцяпянка (вёска) (Мінск)
Сцяпянка (вёска)

Сцяпя́нка (раней Ліпкі) — колішняя вёска, з 1987 года ў складзе Мінска. Каля чыгуначнай станцыі Сцяпянка на лініі Орша—Мінск.

Гісторыя

Воданапорная вежа ў Сцяпянцы

У 1800 годзе вёска Ліпкі, уласнасць князя Дамініка Гераніма Радзівіла, 2 двары, 13 жыхароў. У 1897 годзе ўрочышча Сеніцкай воласці Мінскага павета Мінскай губерні, двор, 5 жыхароў. У 1917 годзе ў фальварку двор, 7 жыхароў, у смалярні 3 двары, 11 жыхароў[1].

У канцы 1940-х гадоў вёска пачала ператварацца ў буйны пасёлак. Побач быў пабудаваны ваенны гарадок і жылы пасёлак геафізічнай экспедыцыі, якія хутка зрасліся з Ліпкамі[2]. Назва Сцяпянка да канца 1970-х гадоў выціснула з ужытку Ліпкі. У 1987 годзе вёска Сцяпянка Зялёналугскага сельсавета Мінскага раёна ўвайшла ў склад горада Мінска[3][2].

У 1988 годзе вясковыя вуліцы атрымалі новыя назвы: Зялёная стала Яблыневай, Кастрычніцкая — Сцяпянскай, Кальцавая — Крынічнай, Усходняя — Палярнай, Паўночны завулак — Сцяпянскім. Пуцейную вуліцу ліквідавалі, пераадрасаваўшы дамы па вуліцы Геалагічнай. Заходняя вуліца стала працягам Геалагічнай, а Чыгуначная — Падлеснай. Захаваліся старыя найменні вуліц Балотнай, Горнай, Дачнай, Сасновай, вуліцы і завулка Геалагічных і Высокіх[2].

Існаванне Сцяпянкі працягваецца ў рамках жылога раёна Сцяпянка ў Партызанскім раёне Мінска. У 2013 годзе ўчастку дарогі ад МКАД да аэрадрома Ліпкі нададзеная назва Вуліца Ліпкаўская, участку дарогі ад вуліцы Ліпкаўскай да аэрадрома нададзена назва завулак Ліпкаўскі[4].

Зноскі

  1. ↑ Памяць 1998, с. 598.
  2. 1 2 3 Сацукевіч І. І., с. 7.
  3. ↑ Минск : энциклопедический справочник 1983, с. 384.
  4. ↑ Аб прысваенні найменняў састаўным часткам г. Мінска. Решения 26-го созыва № 326/22/26(недаступная спасылка). Мінскі гарадскі выканаўчы камітэт (3 красавіка 2013). Архівавана з першакрыніцы 26 верасня 2018. Праверана 26 верасня 2018.

Літаратура

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.