Луізіяна
ЗША
Зацверджаны 25 мая 2006
Прапорцыя 2:3

1 ліпеня 1912 — 25 мая 2006

Сцяг Луізіяны (англ.: Flag of Louisiana) - адзін іх дзяржаўных сімвалаў амерыканскага штата Луізіяна.

Сцяг уяўляе сабой прамавугольнае палотнішча сіняга колеру, у цэнтры якога намалявана птушынае гняздо, усярэдзіне якога пелікан корміць крывёю сваіх птушанят. Ніжэй намаляваная стужка з надпісам Union, Justice, and Confidence (з англ.: Саюз, справядлівасць і вера - дэвіз штата).

На працягу XIX стагоддзя пелікан на пячатцы штата традыцыйна адлюстроўваўся з трыма кроплямі крыві на грудзях. Аднак у больш познія гады гэтая традыцыя парушылася, як на прынятым у 1912 годзе сцягу, так і на пячатцы штата. Пасля таго, як васьмікласнік з сярэдняй каталіцкай школы ў Хуме звярнуў на гэта ўвагу заканадаўцаў штата, яны ў 2006 годзе адпаведна змянілі апісанне сцяга і пячаткі штата.

Гістарычныя сцягі

Да 1861 года, штат Луізіяна не меў ніякага афіцыйнага сцяга, аднак часта выкарыстоўваўся сцяг, падобны цяперашняму.

У студзені 1861, пасля выхаду з складу Саюза і перад уступленнем у Канфедэрацыю, штат Луізіяна выкарыстаў неафіцыйны сцяг, заснаваны на сцягу Францыі.

У лютым 1861 года, штат Луізіяна афіцыйна прыняў сцяг з трынаццаццю чырвонымі, белымі і сінімі гарызантальнымі палосамі і з адной жоўтай зоркай у чырвоным крыжы. Сцяг выкарыстоўваўся падчас Грамадзянскай вайны ў ЗША. Нароўні з ім неафіцыйна выкарыстоўваліся папярэднія сцягі.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.