Венесуэла


Маленькі чорна-белы вексілалагічны сімвал або піктаграма, якае паказвае розныя выкарыстанні сцяга


Маленькі чорна-белы вексілалагічны сімвал або піктаграма, якае паказвае розныя выкарыстанні сцяга
Зацверджаны 7 сакавіка 2006
Прапорцыя 2:3

Сцяг Венесуэлы — адзін з дзяржаўных сімвалаў Венесуэлы.

Гісторыя

Больш за 300 гадоў Венесуэла знаходзілася пад іспанскім валадарствам. У 1797 г. узнікла антыіспанская змова прыхільнікаў незалежнасці на чале з Мануэлем Гуалем і Хасэ-Марыя Эспаньей пад сцягам з белай, сіняй, чырвонай і жоўтай гарызантальных палос, якія сімвалізавалі белых, неграў, мулатаў і індзейцаў. Хоць прыхільнікі незалежнасці пацярпелі няўдачу, колеры сцягу (за выключэннем белага) выкарыстоўваліся і ў будучыні на сцягах вызваленчага руху.

Стваральнікам сцяга, на аснове якога ў далейшым паўсталі сцягі трох дзяржаў — Венесуэлы, Калумбіі і Эквадора, быў выбітны кіраўнік паўднёваамерыканскага вызваленчага руху Франсіска Міранда. Гэты сцяг з жоўтай, сіняй і чырвонай гарызантальных палос упершыню быў падняты ў 1806 годзе на караблі «Леандра», на якім група добраахвотнікаў на чале з Мірандай адправілася з Нью-Ёрка ў Паўднёвую Амерыку. Жоўтая паласа сімвалізавала багаты золатам і іншымі карыснымі выкапнямі амерыканскі кантынент, чырвоная — крывавае валадарства Іспаніі, сіняя — Атлантычны акіян, які адасабляў ад Іспаніі. Гэта азначала, што залатая, багатая і квітнеючая Лацінская Амерыка будзе вольная і аддзеленая ад крывавай Іспаніі акіянам. Пад гэтым сцягам была прадпрынятая спроба абвяшчэння незалежнасці ў 1810 годзе, абвешчаныя першая і другая Венесуэльскія рэспублікі ў 1811—1812 і 1813—1814 гадах. Пад гэтым жа сцягам армія Сімона Балівара ў 1816—1822 гадах вызваліла Венесуэлу ад іспанцаў, і яна канчаткова здабыла незалежнасць.

З 1817 года на сіняй паласе сцяга з'яўляюцца 7 (у цяперашні час — 8) зорак, якія сімвалізуюць 7 гістарычных правінцый краіны: Каракас, Барынас, Барселона, Кумана, Маргарыта, Мерыда і Трухільё. Размяшчэнне і колькасць зорак было розным у розныя перыяды, але да пачатку XX стагоддзя яны часцей за ўсё размяшчаліся па коле з адной зоркай у цэнтры. Восьмая зорка была ўведзена ў 2006 годзе па ініцыятыве прэзідэнта Уга Чавеса і названая «Зоркай Балівара» у гонар Сімона Балівара. Акрамя таго, восьмая зорка сімвалізуе спрэчныя тэрыторыі Гуаяна.

Гістарычныя сцягі

Гл. таксама

Сцяг Вялікай Калумбіі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.