Амерыканскае Самоа
ЗША
Зацверджаны 24 красавіка 1960
Прапорцыя Маленькі чорна-белы вексілалагічны сімвал або піктаграма, якае паказвае розныя выкарыстанні сцяга 1:2
Аўтарскі калектыў
Інстытут геральдыкі Арміі ЗША

Сцяг Амерыканскага Само́а (ЗША) прыняты 24 красавіка 1960 года. Сцяг распрацаваны Інстытутам геральдыкі Арміі ЗША.[1]

Апісанне і сімволіка

Сцяг Амерыканскага Самоа ўяўляе сабой прамавугольнае палатно, падзеленае на тры трохвугольнікі. Падножжа белага роўнабаковага трохвугольніка супадае з правым бокам сцяга. Гіпатэнузы двух сініх прамавугольных трохвугольнікаў, апраўленыя чырвонай аблямоўкай, супадаюць з бакамі роўнабаковага трохвугольніка. У роўнабаковым трохвугольніку знаходзіцца выява белагаловага арлана (нацыянальнага сімвала ЗША, які прысутнічае на Вялікай пячатцы), які трымае лапамі фуэ (мухабойку), якая сімвалізуе мудрасць традыцыйных самаанскіх правадыроў, і уатогі (ваенную дубіну), якая сімвалізуе ўладу дзяржавы.[2] Разам фуэ і уатогі сімвалізуюць мір і парадак пад кантролем ЗША.[1]

Чырвоны, белы і сіні колеры з'яўляюцца традыцыйнымі для Самоа і ЗША колерамі.

Гістарычныя сцягі

На Самоа адсутнічалі якія-небудзь сцягі да з'яўлення на архіпелагу напачатку XVIII стагоддзя еўрапейцаў. Прыняты пасля сцяг меў складаную структуру і быў дрэнна задакументаваны. У 1899 годзе Самоа было падзелена на часткі паміж Брытаніяй, Германіяй і ЗША. 27 красавіка 1900 года ў Амерыканскім Самоа ў якасці афіцыйнага сцяга быў прыняты сцяг ЗША. 27 красавіка 1960 года быў афіцыйна прыняты сучасны варыянт сцяга.[2]

Зноскі

  1. 1 2 Flag of American Samoa (англ.)(недаступная спасылка). Flag Works. Архівавана з першакрыніцы 23 сакавіка 2006. Праверана 13 студзеня 2009.
  2. 1 2 Flag of American Samoa (англ.)(недаступная спасылка). Encyclopædia Britannica. Архівавана з першакрыніцы 24 сакавіка 2012. Праверана 16 студзеня 2009.

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.