Ізраіль
Зацверджаны	28 кастрычніка 1948
Прапорцыя	8:11
Сцяг ВМС Ізраіля
Сцяг узброеных сіл Ізраіля

Сцяг Ізраіля (іўр. דגל מדינת ישראל - Дэгель Медынат Ісраэль, араб. علم إسرائيل) — адзін з дзяржаўных сімвалаў Дзяржавы Ізраіль, на заканадаўчым узроўні быў прыняты 28 кастрычніка 1948 г., праз пяць месяцаў пасля абвяшчэння незалежнасці дзяржавы.

Сцяг уяўляе сабой белае прамавугольнае палотнішча з двума гарызантальнымі сінімі палосамі па баках і зоркай Давіда ў цэнтры.

Апісанне

Сцяг быў распрацаваны для сіянісцкага руху ў 1891 годзе. Палотнішча сцяга нагадвае таліт (іўр. טַלִּית) - белую з сінімі палосамі яўрэйскую малельную накідку. Гексаграмма у цэнтры - Маген Давід, вядомая як «Шчыт Давіда», або «зорка Давіда». Асновы трохвугольнікаў, якія ўтварае Маген Давід, з'яўляюцца паралельнымі гарызантальным палосам на сцягу. Чаргуемыя гарызантальныя палосы, якія ўтвараюць сцяг, суадносяцца паміж сабой па шырыні як 3:5:16:5:3.

Гл. таксама

• На Вікісховішчы ёсць медыяфайлы па тэме Сцяг Ізраіля
• Герб Ізраіля

Спасылкі

• Артыкул «Сцяг» у Электроннай яўрэйскай энцыклапедыі
• Israel — History of the National Flag (англ.)