| Сумаўка | |
|---|---|
| Морфаметрыя | |
| Вышыня над узроўнем мора | 141,9[1] м |
| Даўжыня | 2,38 км |
| Шырыня | 0,68 км |
| Плошча | 1,63 км² |
| Аб’ём | 0,0111 км³ |
| Даўжыня берагавой лініі | 6,03 км |
| Найбольшая глыбіня | 29,6 м |
| Сярэдняя глыбіня | 6,8 м |
| Гідралогія | |
| Тып мінералізацыі | прэснае |
| Салёнасць | да 0,14 ‰ |
| Празрыстасць | 3 м |
| Басейн | |
| Плошча вадазбору | 14,4 км² |
| Упадаюць | ручаі |
| Выцякаюць | ручай |
| Размяшчэнне | |
| Краіна |
 Беларусь |
| Рэгіён | Віцебская вобласць |
  Сумаўка |
|
|
|
|
 Сумаўка |
|
 |
|
Су́маўка[2] — возера ў Беларусі, у Мёрскім раёне Віцебскай вобласці ў басейне ракі Вята, за 8 км на паўднёвы захад ад горада Мёры, за 0,3 км на поўдзень ад вёскі Янова.
Плошча паверхні 1,63 км². Даўжыня возера 2,38 км, найбольшая шырыня 0,68 км. Найбольшая глыбіня 29,6[3] (29,9[2]) м, сярэдняя 6,8 м. Даўжыня берагавой лініі 6,03 км. Аб’ём вады 11,1 млн м³. Плошча вадазбору 14,4 км².
Катлавіна возера лагчыннага тыпу і складаецца з 2 плёсаў — глыбакаводнага заходняга Гоўцы і ўсходняга Сумаўка (глыбіня 15,8 м). Схілы катлавіны вышынёй 1—5 м, спадзістыя. Берагі нізкія (да 0,2 м), месцамі забалочаныя, месцамі зліваюцца са схіламі катлавіны. На поўначы і захадзе возера вышыня берагоў складае 0,5—0,8 м. Дно на мелкаводдзі пясчанае, глыбакаводная частка выслана ілам.
Возера мезатрофнае, слабапраточнае. Зарастае слаба. Шырыня паласы расліннасці да 15 м. Сярод раслін: трыснёг, хвошч, гарлачыкі, шышняк, эладэя[3].
На ўсходзе ў возера ўпадае ручай з возера без назвы, на захадзе выцякае ручай у возера Сярэднік.
У возеры водзяцца шчупак, акунь, лешч, сом, краснапёрка, лінь, сняток, мянтуз і іншыя рыбы.
Зноскі
Літаратура
- Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.
- Су́маўка // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 265. — 10 000 экз. — ISBN 985-11-0035-8. — ISBN 985-11-0251-2 (т. 15).
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 18. — 72 с. — 10 000 экз. — ISBN 978-985-508-136-5. (руск.)
- Республика Беларусь. Витебская область: Общегеографический атлас / Ред. И. Н. Шлык. — Мн.: РУП «Белкартография», 2008. — С. 14. — 36 с. — 5 000 экз. — ISBN 978-985-508-049-8. (руск.)