Суземскі раён
Суземский район
Краіна	Расія
Статус	раён
Уваходзіць у	Бранская вобласць
Адміністрацыйны цэнтр	Суземка
Дата ўтварэння	1929
Насельніцтва	18 800
Плошча	1 339,32 км²
Часавы пояс	UTC+3
Тэлефонны код	+7 48353
Код аўтам. нумароў	32
Афіцыйны сайт (руск.)
Медыяфайлы на Вікісховішчы

Суземскі раён (руск.: Суземский район) — адміністрацыйна-тэрытарыяльная адзінка на паўднёвым усходзе Бранскай вобласці Расіі. Адміністрацыйны цэнтр — пасёлак Суземка.

Геаграфія

Мяжуе з Сеўскім раёнам на паўднёвым усходзе, Камарыцкім раёнам на ўсходзе, Брасаўскім раёнам на паўночным усходзе, Трубчэўскім раёнам на захадзе, Наўлінскім раёнам на поўначы, Сэрэдына-Будскім раёнам Сумскай вобласці Украіны на поўдні.

Плошча тэрыторыі — 1339,32 км².^[1]

Гідралогія

Парась на Севе (1996)

Па тэрыторыі раёна цякуць некалькі рэчак:

• Бобрык
• Няруса (прыток Дзясны)
• Сеў (прыток Нярусы)
• Тара
• Уль

Флёра і фаўна

На тэрыторыі Трубчэўскага і Суземскага раёнаў размяшчаецца запаведнік «Бранскі лес».

Экалогія

Пасля катастрофы на Чарнобыльскай АЭС частка раёна апынулася ў зоне забруджання ізатопамі стронцыя-90 і цэзія-137. Плошча забруджаных лясных тэрыторый на 1 студзеня 2004 года складала 4059 га са шчыльнасцю забруджвання да 5 Кы/км²^[2].

Гісторыя

Суземскі раён быў утвораны ў 1929 годзе ў складзе Бранскай акругі Заходняй вобласці, у 1937 годзе ўвайшоў у склад Арлоўскай вобласці, а з 1944 года знаходзіцца ў складзе Бранскай вобласці. Неаднаразова расфармоўваўся і аднаўляўся.

Адміністрацыйна-тэрытарыяльны падзел

Пасля муніцыпальнай рэформы (2005) у раёне маецца 2 гарадскія і 5 сельскіх паселішчаў:

Гарадскія паселішчы:

• Кокараўскае гарадское паселішча
• Суземскае гарадское паселішча

Сельскія паселішчы:

• Алешковіцкае сельскае паселішча
• Новапагошчанскае сельскае паселішча
• Няўдольскае сельскае паселішча
• Селячанскае сельскае паселішча
• Холмецкае сельскае паселішча

Транспарт

Па тэрыторыі раёна праходзіць чыгуначная лінія Бранск — Кіеў; ад станцыі Суземка адыходзіць чыгунка на горад Трубчэўск і пасялак Белая Бярозка. Па чыгунцы ажыццяўляецца грузавое злучэнне (пасажырскае злучэнне спыненае ў 2004 годзе).

Усе буйныя дарогі раёнe асфальтаваныя:

• Суземка — М3 «Украіна»
• Суземка — Трубчэўск
• Суземка — Холмечы
• Суземка — Зярнова

Дзейнічаюць аўтобусныя маршруты «Суземка — Зярнова», «Суземка — Дзянісаўка», «Суземка — Сеўск» і некалькі іншых.

Зноскі

Спасылкі

• На Вікісховішчы ёсць медыяфайлы па тэме Суземскі раён
• Гісторыя адміністрацыйных пераўтварэнняў Бранскай вобласці(недаступная спасылка) (руск.)