Суберын (ад лац.: suber — кара коркавага дрэва) — рэчыва покрыўнай тканкі ў кары некаторых раслін. Рэчыва вельмі складанага складу, блізкае да тлушчаў, уяўляе сабой гліцэрыд фелонавай кіслоты.

У складзе ўтварэнняў робіць іх непранікальнымі для вады, газаў (што тлумачыцца блізкасцю суберыну да тлушчаў), памяншае цеплаправоднасць.

Некаторыя даследчыкі бачаць у суберыне пераходнае рэчыва пры пераходзе клятчаткі (цэлюлозы) у воск. У сумесі з клятчаткай, лігнінам, воскападобнымі рэчывамі і цэрынам суберын утварае корак, надаючы яму тыя ўласцівасці, дзякуючы якім ён у стане служыць ахоўным сродкам супраць залішняга выпарэння, зімовага холаду і пашкоджанняў.

Спасылкі

• Суберын // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
• Суберын (руск.) — артыкул з Вялікай савецкай энцыклапедыі.