Стры́нгер[1] (англ.: stringer ад string — звязка, шнур, строчка, прывязваць, змацоўваць) — падоўжны элемент сілавога набору корпуса лятальнага апарата, ракеты.
Асноўнае прызначэнне стрынгераў ва ўспрыманні восевых нагрузак сціскання і расцяжэння. Таксама стрынгеры ўспрымаюць аэрадынамічныя нагрузкі, мацуюць абшыўку і павышаюць яе жорсткасць.
У залежнасці ад прызначэння адрозніваюць стрынгеры тыпавыя (забяспечваюць жорсткасць канструкцыі), стыкавыя (па стыках абшыўкі) і ўзмоцненыя (у месцах дзеяння засяроджаных нагрузак або па краях выразаў у абшыўцы). Для павышэння жывучасці канструкцыі ў месцах магчымага з’яўлення папярочных трэшчын у абшыўцы ставяцца стрынгеры матэрыялаў з высокай трываласцю, якія выконваюць ролю абмежавальнікаў распаўсюджвання трэшчын[2]. Стрынгеры крыла ствараюцца са зменнай плошчай у папярочным сячэнні, якая памяншаецца да канца крыла, што дае магчымасць паніжэння масы і стварэння аднолькава трывалай канструкцыі[3].
Сучасныя самалёты адрозніваюцца стрынгерамі з гнутых і прасаваных адкрытых і закрытых профіляў з крокам устаноўкі 150—400 мм[3]. Таўшчыня сценкі стрынгераў звычайна знаходзіцца ў межах 0,5—3 мм[3].
Зноскі
- ↑ БелЭн 2002.
- ↑ Стрингер в авиастроении (руск.) (Праверана 15 чэрвеня 2023) // Партал «Большая российская энциклопедия»
- 1 2 3 Стрингер самолёта. Стрингер крыла самолёта // Avia.pro (руск.) (Праверана 15 чэрвеня 2023)
Літаратура
- Стры́нгер // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 216. — 10 000 экз. — ISBN 985-11-0035-8. — ISBN 985-11-0251-2 (т. 15).
- Стрингер // Авиация: Энциклопедия / Гл. ред. Г. П. Свищев. — Москва : Большая рос. энцикл. : Центр. аэрогидродинам. ин-т, 1994. — 735,[1] с. : ил.; 27 см; ISBN 5-85270-086-X (В пер.).
Спасылкі
- Стрингер самолёта. Стрингер крыла самолёта // Avia.pro (руск.) (Праверана 15 чэрвеня 2023)