Вёска Старое Пашкава Краіна Беларусь Вобласць Магілёўская Раён Магілёўскі Сельсавет Пашкаўскі Каардынаты 53°56′57,27″ пн. ш. 30°17′12,92″ у. д. Першая згадка XIX стагоддзе Вышыня цэнтра 176 м Насельніцтва ▼129 чал. (2009) Часавы пояс UTC+3 Тэлефонны код +375 222 Паштовы індэкс 213123 Аўтамабільны код 6 СААТА 7244840096 Старое Пашкава на карце Беларусі ±

Старое Пашкава на Вікісховішчы

Старо́е Па́шкава^[1] (трансліт.: Staroje Paškava, руск.: Старое Пашково) — вёска ў Магілёўскім раёне Магілёўскай вобласці. Уваходзіць у склад Пашкаўскага сельсавета.

Геаграфія

Старое Пашкава знаходзіцца на адлегласці 4 км ад цэнтра горада Магілёва. На адлегласці 2 км ад Старога Пашкава знаходзяцца вёскі Новае Пашкава, Гаі і Каганы. Таксама, у напрамку горада ўзвышаецца помнік, узведзены ў гонар батальёна міліцыянераў-добраахвотнікаў, які ўзначальваў капітан К. Р. Уладзіміравіч. Міліцыянеры загінулі ў гады Вялікай Айчыннай вайны падчас абароны Магілёва ў 1941 годзе.

Гісторыя

Згадваецца ў абмежаванні 1678 года разам з вёскамі Пячэрск і Дубравенка^[2].

Склад

Старое Пашкова складаецца з 3-ох пасёлкаў (вуліц). Паміж другім і трэцім пасёлкамі знаходзіцца піларама. За першым пасёлкам знаходзяцца могілкі і аўтобусны прыпынак, на які 4 разы ў дзень прыходзіць гарадскі аўтобус № 34. У канцы першага пасёлка знаходзіцца школа. Яна працавала да канца 1990-х гадоў, туды хадзілі дзеці з суседніх вёсак, такіх як Жукава, Засценкі, Прысна, Новае Пашкава, Гаі і інш. У цяперашні час яна закінутая і напалову разбурана. На адлегласці 0,5 км ад вёскі знаходзяцца воінская частка і ваенны гарадок.

У гарадку змяшчаюцца крама, кіёск і некалькі пяціпавярховых дамоў для ваенных і іх сем'яў. Туды ходзіць гарадскі аўтобус № 9 і маршрутны аўтобус № 34. Непадалёк працякае рака Дубровенка.

Галерэя

• 
  1-ы пасёлак
• 
  2-і пасёлак
• 
  3-і пасёлак
• 
  Піларама
• 
  Могілкі
• 
  Закінуты будынак пачатковай школы

Зноскі

Спасылкі

• На Вікісховішчы ёсць медыяфайлы па тэме Старое Пашкава