Старашклоўскі сельсавет
Краіна  Беларусь
Уваходзіць у Шклоўскі раён
Уключае 39 населеных пунктаў
Адміністрацыйны цэнтр Шклоў (не ўваходзіць у склад)
Дата ўтварэння 20 жніўня 1924
Насельніцтва (2019) 1 203
Часавы пояс UTC+03:00
Код аўтам. нумароў 6

Старашкло́ўскі сельсавет — адміністрацыйна-тэрытарыяльная адзінка ў складзе Шклоўскага раёна Магілёўскай вобласці Беларусі. Цэнтр — горад Шклоў (не ўваходзіць у склад).

Гісторыя

Утвораны 20 жніўня 1924 года як Рыжкавіцкі сельсавет у складзе Шклоўскага раёна Магілёўскай акругі БССР. Цэнтр — вёска Рыжкавічы. Пасля скасавання акруговай сістэмы 26 ліпеня 1930 года ў Шклоўскім раёне БССР. З 20 лютага 1938 года ў складзе Магілёўскай вобласці. 11 сакавіка 1960 года ў склад сельсавета з Чарнаруцкага сельсавета перададзены 5 населеных пунктаў (Аляксандраўка, Вялікае Чорнае, Лутна, Малое Чорнае і Тросна), са скасаванага Высокаўскага сельсавета — 3 населеныя пункты (Ганцавічы, Лопавічы і Папоўцы)[1]. 7 сакавіка 1975 года ў склад Старасельскага сельсавета перададзены вёскі Лутна і Тросна[2]. У 1977 годзе скасавана вёска Іскра (уключана ў склад Шклова)[3]. 14 снежня 2007 года ў склад Шклова ўключаны вёскі Маладзёжная і Рыжкавічы, цэнтр сельсавета перанесены ў горад Шклоў[4]. 1 сакавіка 2012 года на тэрыторыі сельсавета ўтвораны хутар Станцыя Рыжкавічы[5]. 20 лістапада 2013 года да сельсавета далучана тэрыторыя скасаванага Чарнаруцкага сельсавета (11 населеных пунктаў: агарагарадок Чарнаручча, вёскі Бабчына, Вабічы, Карбатоўка, Клімавічы, Красная Горка, Палыкавічы, Рагозна, Рамшына, Ступляны і Тударава), сельсавет перайменаваны ў Старашклоўскі[6].

Насельніцтва

Насельніцтва сельсавета паводле перапісу 2009 года (27 населеных пунктаў) — 1282 чалавекі[7], з іх 94,9 % — беларусы, 3,9 % — рускія, 0,6 % — украінцы[8]; паводле перапісу 2019 года (39 населеных пунктаў) — 1203 чалавекі[9].

Крыніцы

  1. ↑ Рашэнне выканкома Магілёўскага абласнога Савета дэпутатаў працоўных ад 11 сакавіка 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 6.
  2. ↑ Рашэнне выканаўчага камітэта Магілёўскага абласнога Савета дэпутатаў працоўных ад 7 сакавіка 1975 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1975, № 15 (1461).
  3. ↑ Рашэнні выканкома Магілёўскага абласнога Савета дэпутатаў працоўных ад 4 студзеня, 16 і 22 лютага 1977 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1977, № 9 (1527).
  4. ↑ Решение Могилевского областного Совета депутатов от 14 декабря 2007 г. № 5-25 Об изменении административно-территориального устройства Шкловского района
  5. ↑ Решение Шкловского районного Совета депутатов от 1 марта 2012 г. № 16-12 Об образовании населенного пункта
  6. ↑ Решение Могилевского областного совета депутатов №23-1 от 20 ноября 2013 г. Об изменении административно-территориального устройства некоторых административно-территориальных единиц Могилевской области
  7. ↑ Насельніцтва населеных пунктаў Магілёўскай вобласці Беларусі паводле перапісу 2009 года
  8. ↑ Этнічны склад насельніцтва сельсаветаў Беларусі паводле перапісу 2009 года
  9. ↑ Насельніцтва населеных пунктаў Магілёўскай вобласці Беларусі паводле перапісу 2019 года

Літаратура

  • Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
  • Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.