Старамесцкая плошча
Прага
Фатаграфія
Агульная інфармацыя
Краіна Чэхія
Горад Прага
Акруга Прага 1
Гістарычны раён Старэ-Места
Найбліжэйшыя
станцыі метро		 Мустак, Стараместска, Намнесці Рэпублікі
Назва ў гонар Стара-Места
Паштовы індэкс 110 00
Лагатып Вікісховішча Медыяфайлы на Вікісховішчы

Старамесцкая плошча (чэшск.: Staroměstské náměstí - Старагародская плошча) — старадаўняя плошча Прагі, размешчаная ў гістарычным цэнтры горада (Старэ-Места). Яе плошча складае каля 15 тыс. кв. м. Плошча акружана гарадскімі дамамі з фасадамі розных архітэктурных стыляў: гатычнага, рэнесансу, барока, ракако.

Гэта месца вядома яшчэ з XII стагоддзя, у той час плошча была вялікім рынкам, які стаяў на скрыжаванні еўрапейскіх гандлёвых шляхоў. У XIII стагоддзі плошча стала называцца Старым рынкам, а з XIV стагоддзя — Старамесцкі рынак. У XVIII стагоддзі плошча змяніла некалькі назваў — Старамесцкі пляц, Вялікая Старамесцкая плошча, Вялікая плошча. У 1895 годзе плошча атрымала сённяшнюю афіцыйную назву.

Старамесцкая плошча ў 1870 годзе

Па плошчы праходзілі каралеўскія каранацыйныя працэсіі, якія пасля рухаліся ў Пражскі Град. Акрамя ўрачыстых падзей, на плошчы здараліся і трагедыі. У 1422 тут адбыліся сутыкненні, выкліканыя пакараннем смерцю правадыра пражскіх маламаёмасных Яна Жэліўскага, у 1437 годзе тут быў пакараны смерцю апошні гусіцкі гетман Ян Рогач са сваімі набліжанымі. 21 чэрвеня 1621 года на Старамесцкай плошчы прынялі смерць 27 удзельнікаў Ставаўскага супраціўлення супраць дынастыі Габсбургаў. У іх гонар на тратуары каля галоўнай ратушы, змясцілі 27 крыжоў, з сімваламі мяча і калючай кароны.

Шматлікія турысты на плошчы
Від на плошчу з Тынскага храма

У XIV стагоддзі на плошчы была пабудавана гарадская ратуша, а ў 1410 годзе на ратушы быў усталяваны астранамічны гадзіннік — Пражскія куранты. З 1365 года побач з плошчай стаў будавацца Тынскі храм. У 1591 годзе ў паўночнай частцы плошчы быў пабудаваны фантан Кроцынава Кашна, а ў 1650 годзе, у гонар вызвалення Прагі ад шведаў, тут быў пастаўлены Марыянскі слуп, які прастаяў да 1918 года. На месцы слупа сёння знаходзіцца мемарыяльная таблічка, а на бруку пасярод плошчы знаходзіцца паўдзённая адзнака — месца, куды падала цень ад Марыянскага слупа апоўдні сонечнага дня. Ад гэтага пункта ў мінулым ішоў адлік Пражскага часу. У канцы XIX стагоддзя плошча пашыраецца за кошт знесеных пабудоў. У 1915 годзе быў усталяваны помнік нацыянальнаму герою Чэхіі Яну Гусу. У 60-х гадах XX стагоддзя плошча стала пешаходнай зонай.

Славутасці плошчы

Панарама пражскай Старамесцкай плошча
Панарама пражскай Старамесцкай плошча

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.