У спісе аб'ектаў Сусветнай спадчыны ЮНЕСКА ў Алжыры значацца 7 найменняў (на 2012 год), што складае 0,7 % ад агульнай колькасці (1052 на 2016 год).
6 аб'ектаў уключаны ў спіс па культурных крытэрыях, а 1 аб'ект (плато Тасілін-Аджэр) уключаны па змяшаных крытэрыях і прызнаны шэдэўрам чалавечага стваральнага генія (крытэрый i) і прыродным феноменам ці прасторай выключнай прыроднай прыгажосці і эстэтычнай важнасці (крытэрый vii).
Акрамя гэтага, станам на 2010 год, 6 аб'ектаў на тэрыторыі дзяржавы знаходзяцца сярод кандыдатаў на ўключэнне ў спіс сусветнай спадчыны[1], у тым ліку 5 — па культурных крытэрыях і 1 аб'ект — па змяшаных.
Алжыр ратыфікаваў Канвенцыю аб ахове сусветнай культурнай і прыроднай спадчыны 24 чэрвеня 1974 года[2]. Першы аб'ект на тэрыторыі Алжыра быў занесены ў спіс у 1980 годзе на 4-й сесіі Камітэта сусветнай спадчыны ЮНЕСКА.
Спіс
Аб'екты размешчаны ў парадку іх дадання ў спіс Сусветнай спадчыны. Калі аб'екты дададзены адначасова, гэта значыць на адной сесіі Камітэта сусветнай спадчыны ЮНЕСКА, то аб'екты размяшчаюцца па нумарах.
| # | Выява | Назва | Месцазнаходжанне | Час стварэння | Год дадання ў спіс | № | Крытэрыі |
|---|---|---|---|---|---|---|---|
| 1 |  | Крэпасць Аль-Кала ў старажытным горадзе Бені-Хамад (араб. قلعة بني حمّاد) | Правінцыя Мсіла | 1007 | 1980 | 102 | iii |
| 2 |  | Плато Тасілін-Аджэр (араб. طاسيلي ناجّر) | Правінцыі Ілізі і Таманрасет | 1982 | 179 | i, iii, vii, viii | |
| 3 |  | Даліна Мзаб (араб. وادي مزاب) | Правінцыя Гардая | X стагоддзе | 1982 | 188 | ii, iii, v |
| 4 |  | Старажытны горад Джэміла (араб. جميلة) | Правінцыя Сетыф | I стагоддзе | 1982 | 191 | iii, iv |
| 5 |  | Старажытны горад Тыпаса (араб. تيبازا) | Правінцыя Тыпаса | VI стагоддзе да н.э. | 1982 | 193 | iii, iv |
| 6 |  | Старажытны горад Тымгад (араб. تيمجاد) | Правінцыя Батна | 100 | 1982 | 194 | ii, iii, iv |
| 7 |  | Касба (старая частка) горада Алжыр (араб. قصبة الجزائر) | Правінцыя Алжыр | 944 | 1992 | 565 | ii, v |
Геаграфічнае размяшчэнне аб'ектаў
Зноскі
- ↑ Tentative (англ.)(недаступная спасылка). UNESCO World Heritage Centre. — Спіс кандыдатаў у аб'екты сусветнай спадчыны ЮНЕСКА ў Алжыры. Архівавана з першакрыніцы 6 жніўня 2012. Праверана 8 лютага 2016.
- ↑ The States Parties — Algeria(недаступная спасылка). unesco.org. Архівавана з першакрыніцы 6 жніўня 2012. Праверана 8 лютага 2016.
Спасылкі
На Вікісховішчы ёсць медыяфайлы па тэме Аб'екты сусветнай спадчыны ЮНЕСКА ў Алжыры- Algeria — UNESCO World Heritage Centre (англ.)
