Соўкі
Крывасмокавая металавідка (Diachrysia zosimi)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Матылі Падатрад:  Glossata Надсямейства:  Noctuoidea Сямейства:  Соўкі
Міжнародная навуковая назва
Noctuidae Latreille, 1809
Падсямействы:
Acontiinae Guenée, 1837 Acronictinae Stephens, 1829 Aganainae Boisduval, 1833 Agaristinae Boisduval, 1828 Amphipyrinae Guenée, 1837 Bagisarinae Crumb, 1956 Balsinae Boletobiinae Bryophilinae Guenée, 1852 Calpinae Guenée, 1837 Catocalinae Boisduval, 1828 Cocytiinae Rothschild, 1915 Condicinae Poole, 1995 Cuculliinae Herrich-Schäffer, 1845 Dilobinae Aurivillius, 1889 Erebinae Eriopinae Eublemminae Eucocytiinae Eustrotiinae Grote, 1882 Euteliinae Guenée, 1837 Glottulinae Guenée, 1852 Hadeninae Guenée, 1837 Heliothinae Boisduval, 1828 Herminiinae Leach, 1815 Hypeninae Herrich-Schäffer, 1845 Hypenodinae Forbes, 1954 Metoponiinae Noctuinae Latreille, 1809 Oncocnemidinae Pantheinae Smith et Dyar, 1898 Plusiinae Boisduval, 1828 Psaphidinae Grote, 1895 Raphiinae Beck, 1996 Rivulinae Grote, 1895 Stictopterinae Hampson, 1893 Stiriinae Grote, 1882 Strepsimaninae Meyrick, 1930 Thiacidinae Ufeinae Crumb, 1956 Xyleninae
Сістэматыка на Віківідах Выявы на Вікісховішчы ITIS   117318 NCBI   7100 EOL   873 FW   245049

Не блытаць з жывёламі Начніцы

Со́ўкі^[1], або начніцы^[1] (Noctuidae) — найбольш буйное сямейства лускакрылых. У сусветнай фаўне налічваецца каля 1089 родаў і 11 772 віды (а з улікам 24 тыс. відаў з вылучанага ў асобнае сямейства Erebidae — звыш 35 000 відаў).

Апісанне

Размах крылаў 1—11 см. Цела масіўнае, шчыльна ўкрытае валаскамі. Агульная афарбоўка цёмная, пярэднія крылы вузкія з характэрным малюнкам (3 плямы), заднія белаватыя ці шараватыя, цямнейшыя па вонкавым краі. У совак добра развіта мімікрыя (колер і малюнак крылаў адпавядаюць колеру паверхні, на якой яны сядзяць).

Пашырэнне

Пашыраны паўсюдна. На тэрыторыі Беларусі каля 300 відаў. Шкоднікі культурных раслін: азімая соўка, клічная, выдатная, гарохавая, агародная, капусная, лугавая, хваёвая, соўка-гама, соўка-коска, зерневая, баваўняная і інш.

Асаблівасці біялогіі

Начныя жывёлы. Матылі лятаюць пераважна на змярканні і ноччу, жывяцца нектарам кветак, сокам раслін. Днём находзяцца ў стане спакою, складваюць крылы стрэхападобна так, што заднія крылы не бачны.

Паводле спосабу жыцця, асаблівасцей кармлення і шкаданоснасці вусеняў адрозніваюць совак падгрызаючых (вусені жывуць у паверхневым слоі глебы, падгрызаюць расліны каля каранёвай шыйкі) і лісцегрызучых (вусені жывуць на раслінах, кормяцца надземнымі часткамі раслін).

Вельмі пладавітыя. Вусені шаравата-бурыя, карычневыя або зялёныя з прадаўгаватымі палоскамі, пераважна голыя. Кукалка жаўтавата-бурая, карычневая, без кокана, звычайна ў глебе.

Гл. таксама

• Стужачніцы

Зноскі

Літаратура

• Анфінагенава В. Г. Соўкі // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.
• Соўкі, начніцы // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 90. — 10 000 экз. — ISBN 985-11-0035-8. — ISBN 985-11-0251-2 (т. 15).