Слуцкая епархія

Слуцкая епархія
Слуцкая епархія
	Свята-Міхайлаўскі кафедральны сабор
Агульныя звесткі
Краіна	Беларусь
Мітраполія	Мінская
Епархіяльны цэнтр	Слуцк
Заснавана	23 лютага 1912 (як вікарыяцтва) ; 23 кастрычніка 2014 (як епархія)
Кіраванне
Кіруючы архірэй	епіскап Слуцкі і Салігорскі Антоній (Даронін) (з 3 студзеня 2015)
Кафедральны храм	Свята-Міхайлаўскі кафедральны сабор у Слуцку
Другі кафедральны храм	Свята-Раства-Багародзіцкі кафедральны сабор у Салігорску
Статыстыка
Благачынняў	7
Прыходаў	96
Храмаў	88
Манастыроў	1
Святароў	68
Сайт	sluck-eparchiya.by (бел.)
Карта
	Медыяфайлы на Вікісховішчы

Слуцкая епархія — епархія Беларускага экзархата Рускай Праваслаўнай Царквы, якая аб’ядноўвае прыходы на тэрыторыі Клецкага, Капыльскага, Любанскага, Нясвіжскага, Слуцкага, Салігорскага і Старадарожскага раёнаў Мінскай вобласці. Уваходзіць у склад Мінскай мітраполіі^[1].

Гісторыя

У 1678—1690 гады згадваецца ў Слуцку беглы мітрапаліт грэвенскі Макарый (Лінгардыс), паводле М. М. Дурнаво «кіраўнік духоўнымі справамі б. епархій: Тураўскай, Луцкай і Уладзіміра-Валынскай». Аднак з-за таго, што царкоўна-юрысдыкцыйная прыналежнасць уладыкі няясная і дакладнага храналагічнага месца ні ў адной з пералічаных епархій для яго не знаходзіцца, можна меркаваць, што гэта быў адзін са шматлікіх усходніх іерархаў свайго часу, які ўцёк у рускія землі «на кармленне».

Указам імператрыцы Кацярыны II ад 27 сакавіка 1785 года Слуцк стаў кафедрай для напаўсамастойнай Пераяслаўскай епархіі для кіравання праваслаўнымі прыходамі ў межах Царства Польскага. Архірэйская рэзідэнцыя зацвердзілася ў слуцкім Троіцкам манастыры. 13 красавіка 1793 года, пасля далучэння земляў былой Рэчы Паспалітай да Расійскай імперыі, замест гэтай кафедры была заснавана Мінская епархія, але яе цэнтр на заставаўся ў Слуцку да 1799 года.

Епархія, названая ўласна Слуцкай, была створана ў 1910 годзе, як вікарыяцтва Мінскай епархіі. Кафедра вікарыя знаходзілася ў слуцкім Троіцкім манастыры. Была скасавана ў 1933 годзе, аднак на кароткі тэрмін адраджалася ў 1941—1942 гадах.

22 верасня 2014 года Сінод Беларускага экзархата прыняў рашэнне стварыць на тэрыторыі Мінскай вобласці некалькі епархій, у тым ліку Слуцкую^[2]. 23 кастрычніка 2014 года рашэннем Свяшчэннага Сінода Рускай Праваслаўнай Царквы ўтворана самастойная Слуцкая епархія^[1].

Епіскапы

Слуцкае вікарыяцтва (Мінскай епархіі)

Іаан (Помер) (11 сакавіка 1912 — 4 красавіка 1913)
Феафілакт (Кляменцьеў) (4 красавіка 1913 — 17 лістапада 1917)
Мелхіседэк (Паеўскі) (26 чэрвеня 1919 — восень 1921)
Уладзімір (Кірылаў) (восень 1921-1922)
Мікалай (Шамяціла) (сакавік 1923—1933)
Філафей (Нарко) (23 лістапада 1941—1942)

Слуцкая епархія

Антоній (Даронін) (з 3 студзеня 2015)

Благачынныя акругі

Манастыры

Жаночы манастыр у гонар святой праведнай Сафіі, княгіні Слуцкай.

Зноскі

1 2 Часопісы пасяджэння Свяшчэннага Сінода ад 23 кастрычніка 2014 года (нявызн.). // Патрыярхія.Ru (23 кастрычніка 2014).
↑ Журналы заседания Синода Белорусского экзархата от 22 сентября 2014 года (руск.). — Афіцыйны партал Беларускай праваслаўнай царквы, 23 кастрычніка 2014.

Спасылкі

Слуцкая епархія // Адкрытая праваслаўная энцыклапедыя «Дрэва»

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[patriarchia-1] 1 2 Часопісы пасяджэння Свяшчэннага Сінода ад 23 кастрычніка 2014 года (нявызн.). // Патрыярхія.Ru (23 кастрычніка 2014).

[2] Журналы заседания Синода Белорусского экзархата от 22 сентября 2014 года (руск.). — Афіцыйны партал Беларускай праваслаўнай царквы, 23 кастрычніка 2014.

[1]

[2]