Слабадскі́ раё́н — адміністрацыйна-тэрытарыяльная адзінка ў БССР у 1926—1927 гадах, назва Мазырскага раёна з кастрычніка 1926 года ў сувязі з пераносам цэнтра раёна ў вёску Слабада. Уваходзіў у Мазырскую акругу.

Гісторыя

5 кастрычніка 1926 года Мазырскі раён Мазырскай акругі БССР быў перайменаваны ў Слабадскі, яго цэнтр перанесены з горада Мазыр у вёску Слабада. У склад раёна ўваходзілі 14 сельсаветаў: Асавецкі, Бабраняцкі, Баброўскі, Бібікаўскі, Бокаўскі (Вялікабокаўскі), Казіміраўскі, Кустаўніцкі нацыянальны польскі, Махнавіцкі, Міхалкаўскі, Мялешкавіцкі, Прудкоўскі, Скрыгалаўскі, Слабадскі і Тварычаўскі нацыянальны польскі. 4 жніўня 1927 года раён скасаваны: Бабраняцкі, Баброўскі, Прудкоўскі, Слабадскі сельсаветы перададзены ў склад Калінкавіцкага раёна; Бокаўскі (Вялікабокаўскі), Махнавіцкі, Мялешкавіцкі — у склад Каралінскага раёна; Бібікаўскі, Кустаўніцкі нацыянальны польскі, Міхалкаўскі, Тварычаўскі нацыянальны польскі — у склад Нараўлянскага раёна; Асавецкі, Казіміраўскі, Скрыгалаўскі сельсаветы — у склад Петрыкаўскага раёна.

Літаратура

• Слободской район // Белорусская ССР: Краткая энциклопедия. В 5-ти т. Т. 1 / Ред. колл.: П. У. Бровка и др. — Мн.: Гл. ред. Белорус. Сов. Энциклопедии, 1979. — Т. 1. — С. 653. — 768 с. — 50 000 экз. (руск.)
• Административно-территориальное устройство БССР: справочник: в 2 т. / А. И. Карпачева и др. / Главное архивное управление при Совете Министров БССР, Институт философии и права Академии наук БССР. — Т. 1: (1917―1941 гг.). — Мн., «Беларусь», 1985. — 390 с. (руск.)
• Слабадскі раён // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 484. — 10 000 экз. — ISBN 985-11-0035-8. — ISBN 985-11-0238-5 (т. 14).