Сквер імя Эдварда Вайніловіча
Асноўная інфармацыя
Тыпсквер
Размяшчэнне
53°53′50″ пн. ш. 27°32′55″ у. д.
Краіна
ГорадМінск
РаёнМаскоўскі раён
Сквер імя Эдварда Вайніловіча (Мінск Цэнтр)
Сквер імя Эдварда Вайніловіча
Сквер імя Эдварда Вайніловіча
Сквер імя Эдварда Вайніловіча (Мінск)
Сквер імя Эдварда Вайніловіча
Сквер імя Эдварда Вайніловіча
Map
Лагатып Вікісховішча Медыяфайлы на Вікісховішчы

Сквер імя Эдварда Вайніловіча — сквер у цэнтры Мінска, размешчаны ў межах гасцініцы «Мінск», колішніх даходных дамоў Уніхоўскага і Абрампольскага, Чырвонага касцёла, адміністрацыйнага будынка (вул. Берсана, 1А) і вул. Берсана, побач з плошчай Незалежнасці.

Музей гісторыі беларускага кіно

На тэрыторыі сквера захаваўся двухпавярховы будынак пачатку XX стагоддзя[1], у якім цяпер размяшчаецца Музей гісторыі беларускага кіно. У 1977 годзе ў скверы пабудаваны фантан «Юнацтва» (скульпт. А. Анікейчык, архітэктары Ю. Градаў, Л. Левін; бронза, граніт; вышыня 4 м). У асіметрычнай формы басейне на 2 гранітных валунах адна супраць адной устаноўлены ўкленчаныя фігуры юнака і дзяўчыны. У руках яны трымаюць чашы, з якіх ліецца вада. Пластыка фігур, роўнядзь вады з астраўкамі зеляніны, ніцыя вербы, строгая велічнасць валуноў ствараюць рамантычны настрой, надаюць упрыманню лірычную ўзнёсласць[1].

Сквер і адміністрацыйны будынак па вул. Берсана
Сквер і фабрыка-кухня

Грамадскасць і каталіцкая супольнасць доўгі час дамагаліся ўвекавечання імя беларускага гаспадарчага, культурнага і палітычнага дзеяча Эдварда Вайніловіча, шырока вядомага як фундатара касцёла Святога Сымона і Святой Алены (Чырвоны касцёл), узведзенага ў памяць аб заўчасна памерлых дзецях. У 2007 годзе Камісія па найменаванні і перайменаванні праспектаў, вуліц, плошчаў і іншых састаўных частак г. Мінска вырашыла перайменаваць вул. Берсана ў гонар Вайніловіча, але гэтага так і не адбылося, паводле афіцыйнай версіі, праз парушэнне заканадаўчага парадку працэдуры[2][3], паводле іншых версій — праз супрацьдзеянне праўладных камуністаў[4].

У 2016 годзе Каталіцкая Царква пачала працэс беатыфікацыі Эдварда Вайніловіча. Акрамя таго на 2017 год прыпала 170-годдзе з дня яго нараджэння. У лютым 2017 года Камісія па найменні і перайменаванні праспектаў, вуліц, плошчаў і іншых складовых частак Мінска прапанавала назваць імем Эдварда Вайніловіча сквер каля касцёла Св. Сымона і Алены. Галоўнае ўпраўленне ідэалагічнай работы, культуры і па справах моладзі Мінгарвыканкама прымала меркаванні жыхароў горада па прапанаваным найменні[5]. З улікам калектыўных зваротаў грамадзян з просьбай увекавечыць імя Вайніловіча ў гарадской прасторы, якія паступілі яшчэ ў 2015 годзе, «за» было сабрана 2.236 подпісаў, «супраць» — усяго 113[6]. Галоўнымі праціўнікамі прысваення скверу імя Вайніловіча сталі камуністы з партыі «Справядлівы свет», на думку якіх, Вайніловіч меў прапольскія настроі[7].

16 чэрвеня 2017 года Камісія на чале з намеснікам старшыні Мінгарвыканкама Ігарам Юркевічам з улікам перавагі станоўчых водгукаў грамадзян і меркавання Інстытута гісторыі Нацыянальнай акадэміі навук адзінагалосна прагаласавала за наданне імя Эдварда Вайніловіча скверу ў межах вуліц Савецкай і Свярдлова[6]. 27 чэрвеня Мінскі гарадскі савет дэпутатаў прыняў рашэнне аб наданні скверу імя Эдварда Вайніловіча[8].

Зноскі

  1. 1 2 Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.
  2. ↑ 7 незвычайных фактаў пра Эдварда Вайніловіча, у гонар якога хочуць перайменаваць сквер у Мінску
  3. ↑ Перайменаваць Берсана ў Вайніловіча можа толькі Лукашэнка
  4. ↑ Мяккая беларусізацыя: бел-чырвона-белы сьцяг, «Пагоня» і сквэр Вайніловіча
  5. ↑ Сквер каля касцёла Св. Сымона і Алены прапаноўваюць назваць імем Эдварда Вайніловіча
  6. 1 2 Единогласно! Мингорисполком поддержал инициативу газеты «Советская Белоруссия» о присвоении скверу за Красным костелом имени Эдварда Войниловича
  7. ↑ Камуністы-калякінцы і БХД пасварыліся, ці даваць імя Вайніловіча скверу за Чырвоным касцёлам
  8. ↑ 27 Июня 2017 → Два сквера в Минске получили названия Архівавана 30 чэрвеня 2017.

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.