Саша и Сирожа
Жанр Камедыя, мюзікл
Гады 1999-2008
Краіна  Беларусь
Горад Мінск
Мова песень Трасянка
Лэйбл Moon Records, Vigma, GO-Records
Склад Сяргей Міхалок
Аляксей Хацкевіч
Мацвей Сабураў
ljapis.ru/sasi.html

«Саша и Сирожа» — творчы дуэт мастака Аляксея Хацкевіча і музыкі Сяргея Міхалка. Поле дзейнасці калектыву вельмі шырокае: ад тэлеперадач да музыкі, у асноўным забаўляльнага зместу.

Біяграфія

У 1980-х гадах Аляксей Хацкевіч, вучань мастацкай школы, пазнаёміўся з аднакласнікам Сашам і яго братам Сяргеем з вёскі. Іх вобразы былі настолькі яркімі і нестандартнымі, што не давалі спакою юнаму мастаку, яны і ляглі ў аснову Сашы и Сирожы.

Група адразу пасля заснавання атрымала станоўчую рэпутацыю. Пасля выпуску песні «Калыханка» ў Беларусі стала вельмі папулярным слова колдырь[1].

На самай жа справе, слова гэта — калдыр — у беларускай мове старое і абазначае амбала, увальня.

Менавіта ў працэсе стварэння песні «Калыханка» і аформіўся касцяк групы: да Хацкевіча, Міхалка і прадзюсара Калмыкова далучыўся Мацвей Сабураў (вядомы па мінскай музычнай групе «Плато»). Мацвей стаў рэжысёрам, аніматарам і галоўным па камп’ютарным эфектам.

Зімой 2003 года ў эфіры мінскага «Альфа-Радыё» з’яўляюцца «Оперы для ленивых», выпушчаныя ў ліпені 2003 на кампакт-дыску кампаніяй «Гранд рекордс»[2]. Саша и Сирожа пераказвалі сюжэты вядомых опер так, як яны іх разумеюць. На гэтым этапе да праекта далучыўся Віталь Драздоў.

У канцы 2004 года ўдзельнікі калектыву вырашылі запісаць альбом «Ска-ты!». Альбом быў выпушчаны кампаніяй «Moon Records», і 10 чэрвеня ў кіеўскім клубе «Бінга» адбылася яго канцэртная прэзентацыя.

Група Саша и Сирожа уваходзіла ў творчае аб’яднанне «Дети солнца», разам з гуртамі Ляпіс Трубяцкі, Zdob și Zdub, ТТ-34, Крамбамбуля, Мантана, Merry Poppins, Пиво вдвоём. Усяго ў альбом «Ска-ты!» ўвайшло чатырнаццаць песень, а таксама відэакліпы на песні «Калыханка» і «Филя».

У 2001—2004 гадах выходзіла тэлеперадача «Калыханка».

З 2003 года эфір перадачы «Достань звезду» на «Першым нацыянальным канале» Беларусі прыпынены з-за нізкага рэйтынгу[3].

Дыскаграфія

Склад

  • Сяргей Міхалок — вакал
  • Аляксей Хацкевіч — вакал
  • Мацвей Сабураў — праграмаванне, анімацыя

Зноскі

  1. ↑ Колдырь Архівавана 4 сакавіка 2016. // Форумы «Лингво», 15 мая 2009 г. (Праверана 17 жніўня 2011)(Праверана 17 жніўня 2011)
  2. ↑ Саша и Сирожа в «Опере для ленивых» Архівавана 8 жніўня 2018.. Белорусская деловая газета, 11 июля 2003 г. (Праверана 17 жніўня 2011)(Праверана 17 жніўня 2011)
  3. ↑ Виктор Мартинович, Родион Раскольников. Шуточки в строю! Архівавана 21 верасня 2010. БелГазета, 15 декабря 2003 г. (Праверана 17 жніўня 2011)(Праверана 17 жніўня 2011)

Літаратура

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.