| Рэспубліканскі інстытут кантролю ведаў | |
|---|---|
 | |
 | |
| Краіна | Беларусь |
| Адрас | 220049, Рэспубліка Беларусь, г. Мінск, вул. Чайкоўскага, 7 |
| Тып арганізацыі | некамерцыйная арганізацыя, якая фінансуецца з рэспубліканскага бюджэта |
| Кіраўнікі | |
| Дырэктар | Юрый Міксюк |
| http://rikc.by | |
Рэспубліканскі інстытут кантролю ведаў (РІКВ) — дзяржаўная ўстанова адукацыі ў Беларусі. Размяшчаецца ў будынку па вуліцы Чайкоўскага, 7 у Мінску.
Мэтай інстытута з’яўляецца метадычнае і арганізацыйнае забеспячэнне кантролю ведаў навучэнскай моладзі, накіраванае на павышэнне якасці адукацыі ў Рэспубліцы Беларусь, а таксама правядзенне мерапрыемстваў па ажыццяўленні тэсціравання грамадзян.
Ажыццяўляе суправаджэнне цэнтралізаванага тэсціравання (ЦТ) у Рэспубліцы Беларусь: азнаямляе з дакументамі, якія рэгламентуюць уступную кампанію, падае звесткі аб зборніках і метадычных дапаможніках для падрыхтоўкі да цэнтралізаванага тэсціравання, аператыўна прадастаўляе вынікі рэпетыцыйнага і цэнтралізаванага тэсціраванняў, дае кваліфікаваныя адказы на пытанні аб тэсціраванні.
Паводле афіцыйнага сайта інстытут здзяйсняе наступныя віды эканамічнай дзейнасці:
- іншая адукацыя для дарослых і іншая адукацыя, не ўключаная ў іншыя групоўкі;
- даследаванні і распрацоўкі;
- даследаванні і распрацоўкі ў галіне прыродазнаўчых і тэхнічных навук;
- даследаванні і распрацоўкі ў галіне грамадазнаўчых і гуманітарных навук;
- апрацоўка даных;
- выдавецкая дзейнасць.
Задачы інстытута:
- Стварэнне арганізацыйна-прававога забеспячэння інфраструктуры для арганізацыі і правядзення тэсціравання грамадзян.
- Правядзенне навукова-даследчых работ (НДР) і навукова-даследчых досведна-канструктарскіх работ (НДДКР) па распрацоўцы і ўкараненні нарматыўна-метадычных дакументаў і сертыфікаваных камп’ютарна-кваліметрычных сродкаў для вымярэння якасці навучання, новых адукацыйных стандартаў і тэхналогій.
- Каардынацыя змястоўнай часткі адукацыйных стандартаў з патрабаваннямі тэставага кантролю якасці ведаў і сертыфікацыя адукацыйных праграм, методык і сродкаў кантролю.
- Падрыхтоўка і выданне вучэбна-метадычнай, навукова-тэхнічнай літаратуры, нарматыўнай дакументацыі, зборнікаў тэстаў і рэкламнай прадукцыі.
- Правядзенне тэсціравання грамадзян па асноўных прадметах агульнай сярэдняй, прафесійна-тэхнічнай, сярэдняй спецыяльнай і вышэйшай адукацыі, а таксама прафесійнай арыентацыі і агульным узроўні падрыхтоўкі.
- Падрыхтоўка тэставых матэрыялаў і правядзенне ўнутраных і знешніх атэстацый па заказах вышэйшых навучальных устаноў і іншых арганізацый.
- Арганізацыя падрыхтоўкі (падрыхтоўчыя курсы) да ўдзелу ў тэсціраванні.
- Правядзенне па выніках тэсціравання маніторынгу якасці адукацыі ў Рэспубліцы Беларусь і распрацоўка рэкамендацый па ўдасканаленні кіравання і арганізацыі адукацыйнага працэсу.
- Правядзенне канферэнцый і нарад па праблемах адукацыі, удзел у міжнародных, рэспубліканскіх праграмах і праектах па праблемах тэсціравання ў сістэме адукацыі.
- Падрыхтоўка і абмен навуковай, тэхнічнай і эканамічнай інфармацыяй з установамі і фізічнымі асобамі.
- Аказанне кансультацыйных адукацыйных паслуг.
- Стварэнне інфармацыйных банкаў даных па асноўных кірунках дзейнасці інстытута.
- Вывучэнне і абагульненне замежнага досведу ў кантролі ведаў.