Рэспубліканскі завулак (руск.: Республиканский переулок) — вуліца ў Ленінскім раёне Магілёва, у гістарычным цэнтры горада.

Гісторыя

Гістарычная назва Бутамаў завулак (руск.: Бутомов переулок)^[1] паходзіць ад прозвішча першапасяленца^[2]. За савецкім часам перайменаваны.

Раней цягнуўся ад скрыжавання Дняпроўскага праспекта і Лютэранскага завулка на паўночнай ускраіне Саборнай плошчы да моста цераз Дубравенку, за якім пераходзіў у завулкі Тлусты і Чарнецкі. З поўначы прымыкаў Красны завулак, з поўдня — 2-і Круты завулак. Пасля вайны трасіроўка гэтых завулкаў зменена, каб прабіць вуліцу ад вуліцы Крыленкі да Лазарэнкі, паралельную Першамайскай вуліцы. У 1959 годзе пабудаваны дом культуры швейнай фабрыкі імя Валадарскага, які адрэзаў завулак ад Першамайскай вуліцы.

• 
  На плане 1831 года завулак не пазначаны, прыкладна на яго месцы вялікі яр ад аркі Саборнай плошчы да Дубравенкі.
• 
  На плане 1835 года за Трыумфальнай аркай ужо пазначана вуліца, якая ідзе па схіле яра.
• 
  На плане 1862 года завулак праходзіць на поўнач ад Саборнай плошчы
• 
  Завулак на нямецкім аэрафотаздымку. 1943

Размяшчэнне

Лесвіца да Дубравенкі

Арыентаваны з паўднёвага ўсходу на паўночны захад. Пачынаецца ад скрыжавання з Чырвоным і 2-м Крутым завулкамі. Больш як палову даўжыні складае лесвіца да Дубравенкі.

Зноскі

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх