Рэгіёны Швецыі

Рэгіёны Швецыі — тры традыцыйныя часткі, па сутнасці тры групы правінцый, Швецыі. Рэгіёны не маюць цяпер якога-небудзь адміністрацыйнага значэння, аднак захоўваюць культурную і гістарычную значнасць. Часцей за ўсё іх называюць «landsdelar», што проста азначае «частка краіны».

Рэгіёны

• Гёталанд — паўднёвы рэгіён, найбольш заселены рэгіён, які складаецца з 10 правінцый.
• Свеаланд — цэнтральны рэгіён, названы ў гонар гістарычнай Швецыі (англ.: Sweden proper). Самы маленькі рэгіён, складаецца з 6 правінцый.
• Норланд — паўночны рэгіён, які займае 60 % тэрыторыі Швецыі. Складаецца з 9 правінцый.

Гістарычныя рэгіёны

Гістарычныя рэгіёны Швецыі

Швецыя гістарычна падзелена на 4 рэгіёны: Гёталанд, Свеаланд, Норланд, Эстэрланд.

• Эстэрланд — гэта старая назва паўднёвай Фінляндыі. У дагістарычныя часы рэгіён быў заселены рознымі плямёнамі са сваімі царамі (такіх, як квены). Тэрмін стаў састарэлым ужо з 15-га стагоддзя і практычна невядомы ў Швецыі сёння. У большасці слоўнікаў «österlandet» азначае проста ўсход.

• Норланд — гэта назва земляў на поўнач па абодва бакі ад Батнічнага заліва.

• У дагістарычныя часы Швецыя была ў значнай ступені абмежавана тэрыторыямі Свеаланда і паўднёвай часткай Норланда, у той час Гёталанд згадваецца ў легендах як дзяржава-супернік, з якой увесь час вяліся шведска-гёцкія войны (англ.: Swedish-Geatish wars), згаданыя ў англасаксонскай эпічнай сазе пра Беавульфа. Урэшце абедзве краіны былі аб’яднаны пад адной каронай на некаторы час паміж 550—1200 (дакладная дата з’яўляецца прадметам дыскусій).

Спасылкі

• На Вікісховішчы ёсць медыяфайлы па тэме Рэгіёны Швецыі
• Courts of Appeal: The Court Districts of Sweden Архівавана 9 жніўня 2016. — Official site of The National Courts Administration