Руген
ням.: Rügen
Характарыстыкі
Плошча	926 км²
Найвышэйшы пункт	161 м
Насельніцтва	74 000 чал.
Шчыльнасць насельніцтва	79,91 чал./км²
Размяшчэнне
54°27′ пн. ш. 13°23′ у. д.
Акваторыя	Балтыйскае мора
Краіна	Германія
Зямля	Мекленбург — Пярэдняя Памеранія
Руген
Руген
Медыяфайлы на Вікісховішчы

Руген (ням.: Rügen, руянск.: Руян, лац.: Rugia) — востраў у Балтыйскім моры, на ўсход ад Хідэнзэ. Буйнейшы востраў у межах Германіі (агульная плошча 926 км²). Уваходзіць у склад федэральнай зямлі Мекленбург-Пярэдняя Памеранія. Насельніцтва складае прыкладна 74 тыс. чалавек.

Агульная форма вострава досыць мудрагелістая, берагі моцна парэзаныя, іх выгібы ўтвараюць мноства заліваў, бухт, паўвастравоў і мысаў. Паўднёвае ўзбярэжжа Ругена распасціраецца ўздоўж берагоў Памераніі. Шырыня вострава на поўдні дасягае 41 км, максімальная працягласць з поўначы на поўдзень — 52 км.

На паўвостраве Ясмунд (Jasmund) на паўночным усходзе Ругена размешчаны аднайменны нацыянальны парк плошчай ў 3000 гектараў, заснаваны ў 1990 годзе. Шырока вядомым сімвалам Ясмунда з'яўляюцца крэйдавыя скалы, у прыватнасці, Каралеўскі трон (Königsstuhl — 118 метраў). Самая высокая кропка Ругена — Пікберг (Piekberg — 161 метр).

• 
  Binz
• 
  Jasmund National Park

Спасылкі

• Афіцыйны сайт вострава (ням.) (англ.)