Роберт Радрыгес
англ.: Robert Rodriguez
Імя пры нараджэнні	Роберт Энтані Радрыгес
Дата нараджэння	20 чэрвеня 1968(1968-06-20)[1][2] (55 гадоў)
Месца нараджэння	Сан-Антоніа, Бэр, Тэхас, ЗША[3]
Грамадзянства	ЗША
Жонка	Elizabeth Avellán Ochoa[d]
Дзеці	Racer Rodriguez[d], Rocket Rodriguez[d], Rogue Rodriguez[d], Rhiannon Rodriguez[d] і Rebel Rodriguez[d]
Адукацыя	Moody College of Communication[d] Тэхаскі ўніверсітэт у Осціне St. Anthony Catholic High School[d] St. Anthony Catholic School[d]
Прафесія	кінарэжысёр, кінапрадзюсар, сцэнарыст, музыкант, аператар-пастаноўшчык, кампазітар, мантажор, кінаакцёр, кінааператар, мастак-пастаноўшчык, рэжысёр
Кар’ера	1991 — цяпер
Кірунак	баявік, драма, трылер
Узнагароды	Sundance Audience Award: U.S. Dramatic[d] (1993) Залатая пальмавая галіна (2005) Незалежны дух[d] ALMA Award[d] Спадарожнік (прэмія) Cannes
IMDb	ID 0001675
troublemakerstudios.com
Медыяфайлы на Вікісховішчы

Роберт Энтані Радрыгес (англ.: Robert Anthony Rodriguez; нар. 20 чэрвеня 1968 года, Сан-Антоніа, штат Тэхас, ЗША) — амерыканска-мексіканскі кінарэжысёр, сцэнарыст, прадзюсар, аператар і кампазітар. Скончыў Тэхаскі ўніверсітэт у Остыне. Потым прыехаў у Галівуд, дзе працаваў тры гады на тэлебачанні. Большасць яго фільмаў мае шмат арыгінальных фабул, нетыповых герояў і цікавых эксперыментаў. Належыць да творцаў, якія любяць працаваць з поўным кантролем над сваімі творамі. Не толькі рэжысуе, але таксама піша сцэнарыі, прадзюсуе, здымае і мантуе з дапамагой спецэфектаў.

Крытыка адкрыла яго падчас кінафестывалю ў Сандэнсе, дзе ён прэзентаваў зняты на ўласныя грошы «El Mariachi» («Музыка»; 1992).

Біяграфія

Радрыгес нарадзіўся ў горадзе Сан-Антоніа (штат Тэхас, ЗША) у шматдзетнай мексіканскай сям’і (10 дзяцей). Маці — медсястра, бацька — прадавец.

У 1991 годзе ён, атрымаўшы $3000 за медыцынскія эксперыменты над сабой і ў супрацоўніцтве са сваім сябрам Карласам Гальярдэ (які дадаў $4000 за продаж участку зямлі), за 14 дзён зняў фільм «Музыка» на іспанскай мове. Вялікія босы з ICM убачылі гэты фільм і склалі ў 1993 годзе з Робертам кантракт. Неўзабаве выйшаў працяг — «Адчайны». Незадоўга да гэтага Роберт пазнаёміўся з рэжысёрам Квенцінам Таранціна. Апошні зняўся ў эпізодзе «Адчайнага», пасля чаго рэжысёры маюць цесныя зносіны і ўдзельнічаюць у сумесных праектах (у якасьці сарэжысёраў у «Чатырох пакоях» і праекце «Грайндхаўс»). У іх склаліся своеасаблівыя адносіны. Так, Таранціна заплаціў як кампазітару «Забіць Біла» Радрыгесу $1, але Роберт таксама адрозніўся і заплаціў Таранціна як запрошанаму рэжысёру ў «Горадзе грахоў» таксама $1, ды яшчэ паабяцаў, што ў наступны раз («Горад грахоў 2» анансаваны на 2009 год) усё будзе ўжо па-сур’ёзнаму і ён заплаціць Квенціну $2. Цяпер Роберт жыве ў Остыне, штат Тэхас і працягвае здымаць фільмы. У сваіх фільмах ён нараўне з тым, што здымае невядомых акцёраў, такіх як Том Савіні, Майкл Паркс, Крыстас, і нават сваіх сваякоў, задзейнічае такіх мэтраў як Брус Уіліс, Сільвестэр Сталонэ, Мікі Рурк, Джоні Дэп, Джордж Клуні, Антоніа Бандэрас, Сальма Хаек і іншых.

Зноскі

Спасылкі

• На Вікісховішчы ёсць медыяфайлы па тэме Роберт Радрыгес
• Афіцыйная старонка кампаніі Радрыгеса (англ.)