Прэмія імя Л. Александроўскай — тэатральная прэмія Беларусі. Заснавана ў 1992 годзе Міністэрствам культуры Беларусі і Беларускім саюзам тэатральных дзеячаў. Прысуджаецца раз у 2 гады артыстам і пастаноўшчыкам спектакляў музычных тэатраў за яркія творчыя дасягненні ў беларускім тэатральным мастацтве. Названа ў гонар беларускай опернай спявачкі Ларысы Александроўскай, Народнай артысткі БССР і СССР.

Спіс узнагароджаных

• 1992: Н. Гайда
• 1994: А. Ранцанц
• 1996: Група салістаў балета «Страсці» (С. Гарбунова, У. Далгіх, Г. Душкевіч, В. Захараў, Р. Мінін. Е. Фадзеева, Т. Шаметавец)
• 1997: Н. Руднева
• 1999: Э. Пелагейчанка
• 2001: Т. Глаголева

Літаратура

• Г. А. Забела. Прэміі тэатральныя // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.