Прыродазнаўчы ўніверсітэт у Познані
польск.: Uniwersytet Przyrodniczy w Poznaniu
Арыгінальная назва польск.: Uniwersytet Przyrodniczy w Poznaniu
Міжнародная назва Poznan University of Life Sciences
Заснаваны 1951
Тып універсітэт прыкладных навук
Рэктар Кшыштаф Шашкевіч
Рэктар Krzysztof Szoszkiewicz[d][1]
Студэнты 8 000
Размяшчэнне Познань
Юрыдычны адрас вул. Польскага войска 28,
60-637 г. Познань, Польшча
Сайт puls.edu.pl
Лагатып Вікісховішча Медыяфайлы на Вікісховішчы

Прыродазнаўчы ўніверсітэт у Познані (польск.: Uniwersytet Przyrodniczy w Poznaniu) — польская дзяржаўная вышэйшая навучальная ўстанова са статусам універсітэта і спецыялізацыяй у сферы тэхнічных і прыродазнаўчых навук, якая знаходзіцца ў Познані.

Гісторыя

Вытокі ўніверсітэта сягаюць у 1870 год, калі стараннямі Аўгуста Цяшкоўскага пад Познанню была створана вышэйшая сельскагаспадарчая школа. Яна была адзінай польскай вышэйшай школай на польскіх землях на тэрыторыі Прусіі. Установа існавала ўсяго сем гадоў і была ліквідаваная ўказам прускага канцлера Бісмарка.

Калі яшчэ ў 1919 годзе, падчас баёў Вялікапольскага паўстання, пачаў сваю дзейнасць універсітэт, названы першапачаткова Wszechnicą Piastowska, а потым Пазнаньскім універсітэтам, яго неад'емнай часткай быў аграрна-лясны факультэт. Заняткі на факультэце пачаліся ўжо ў кастрычніку 1919 года. Тады ж быў заснаваны дэндралагічны сад. Пасля Другой сусветнай вайны, у 1949 годзе, знаходзячыся ў структурах Пазнаньскага ўніверсітэта, быў створаны сельскагаспадарчы факультэт з садаводчым аддзяленнем і лясны факультэт.

У 1951 годзе па распараджэнні Савета Міністраў ПНР адбылося яго аддзяленне ад універсітэта. Новая ВНУ атрымала назву Вышэйшай сельскагаспадарчай школы. Былі створаны наступныя факультэты: зоатэхнічны (1951), тэхналогіі драўніны (1954), садаводства (1956), тэхналогій аграрна-харчовай прамысловасці (1962), меліярацыі (1970) і эканоміка-сацыяльны (2007).

У 1972 годзе вучэльню перайменавалі ў сельскагаспадарчую акадэмію, а ў 1996 годзе ёй надалі імя А. Цяшкоўскага. Законам ад 7 лютага 2008 года ўніверсітэту была нададзена сучасная назва.

Структура

У структуры ўніверсітэта функцыянуе:

  • шэсць факультэтаў: сельскай гаспадаркі, садоўніцтва і біяінжынерыі, лясной гаспадаркі і тэхналогій драўніны, ветэрынарнай медыцыны і навук аб жывёлах, навук аб ежы і харчаванні, экалагічнай інжынерыі і машынабудавання, эканамічны;
  • два агульнаўніверсітэцкія навучальныя падраздзяленні: цэнтр замежных моў і цэнтр фізічнай культуры;
  • бібліятэка і навуковы інфармацыйны цэнтр;
  • выдавецтва універсітэта;
  • цэнтр інавацый і трансферу тэхналогій;
  • цэнтр бесперапыннай адукацыі;
  • цэнтр падтрымкі і развіцця;
  • цэнтр электроннага навучання;
  • дзесяць эксперыментальных устаноў;
  • рэктарат і цэнтральная адміністрацыя;
  • група прыродазнаўчых школ у Познані.

Навуковую і адукацыйную дзейнасць ажыццяўляюць інстытуты і кафедры.

Спасылкі

  1. ↑ https://radon.nauka.gov.pl/dane/profil/154a0276-f7ef-42a3-a8d6-752e46ffd139 Праверана 17 верасня 2022.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.