Горад Прылеп макед.: Прилеп Герб Сцяг Краіна  Паўночная Македонія Статыстычны рэгіён Пелаганійскі Абшчына Прылеп Каардынаты 41°20′47″ пн. ш. 21°33′15″ у. д. Граданачальнік Мар'ян Рыстэскі Плошча 1 194,44 км² Вышыня цэнтра 620 м Насельніцтва 66 246 чалавек (2002) Часавы пояс UTC+1, летам UTC+2 Тэлефонны код +389 48 Паштовы індэкс 7500 Аўтамабільны код PR Афіцыйны сайт prilep.gov.mk Прылеп на карце Паўночнай Македоніі

Медыяфайлы на Вікісховішчы

Пры́леп (макед.: Прилеп, турэцк.: Pirlepe, грэч. Πριλέπια) — горад у паўднёвай частцы Паўночнай Македоніі з насельніцтвам 64 тысячы жыхароў. Горад размешчаны ў паўночнай частцы Пелаганійскай раўніны, у 128 км ад сталіцы Скоп’е.

Размешчаны ля падножжа крэпасці легендарнага сербскага каралевіча Маркі, вядомага як змагара супраць туркаў і мудрага кіраўніка.

Гісторыя

Прылеп быў заснаваны на руінах старажытнага горада Стыбера, які быў часткай Рымскай імперыі. Нягледзячы на спусташэнне готамі ў 268 Стыбера заставалася часткова заселенай. Пад імем Прылеп гэты горад быў упершыню згаданы ў 1014 як месца, дзе балгарскі цар Самуіл памёр ад разрыву сэрца пры відзе, як візантыйцы асляпляюць тысячы яго салдатаў, якія патрапілі ў палон пасля бітвы пры Бяласіцы. Горад патрапіў пад візантыйскую ўладу.

Пазней горад быў заваяваны Другім Балгарскім царствам і Сербіяй.

У XIV стагоддзі горад быў захоплены асманамі пад правадырствам Эўрэнаса. Пад кантролем Асманскай імперыяй знаходзіўся на працягу шасці стагоддзяў.

Напачатку XX стагоддзя ўваходзіў у склад Сербіі і Югаславіі і пасля яе распаду адышоў да Македоніі.

Насельніцтва

Большасць насельніцтва складаюць македонцы (93 %), але ёсць і цыганская меншасць.

Паводле перапісу 2002 года ў Прылепе пражывала 66 246 жыхароў^[1].

Славутасці

• Маркавы Кулі, сярэднявечная крэпасць
• Трэскавец, манастыр

Вядомыя асобы

• Блажэ Конескі (1921-1993) — стваральнік і адзін з кадыфікатараў сучаснай літаратурнай македонскай мовы, выбітны літаратурны, культурны і грамадскі дзеяч, паэт, празаік, эсэіст, гісторык літаратуры, лінгвіст, перакладчык

Гарады-пабрацімы

• Асенаўград, Балгарыя

Зноскі

Спасылкі

• На Вікісховішчы ёсць медыяфайлы па тэме Прылеп