Помнік
Помнік Янку Купалу
54°05′30″ пн. ш. 27°11′39″ у. д.
Краіна	Беларусь
Горад	Вязынка
Скульптар	Заір Ісакавіч Азгур
Архітэктар	Ігар Мікалаевіч Рудэнка
Дата пабудовы	1949 год
Вышыня	4 м
Матэрыял	бронза і лабрадарыт

Помнік Янку Купалу — помнік у в. Вязынка Маладзечанскага раёна, дзе нарадзіўся класік беларускай літаратуры Янка Купала. Размешчаны побач з музеем у Купалаўскім мемарыяльным запаведніку «Вязынка».

Гісторыя

Першапачаткова пастаўлены ў 1949 годзе пры ўваходзе ў Цэнтральны сквер у Мінску. Аўтары — скульптар З. І. Азгур і архітэктар І. М. Рудэнка. Перанесены ў 1972 годзе ў Вязынку.

Апісанне

Уяўляе сабой пагрудны бронзавы бюст паэта на чорным прамавугольным пастаменце з лабрадарыту. Вышыня пастамента складае 2,5 м, скульптуры 1,5 м. Кампазіцыя бюста франтальная, скульптурныя формы вылучаюцца стрыманасцю. На пастаменце радкі з купалаўскага верша. Пляцоўка каля помніка выкладзена шэрымі плітамі, тут жа пасаджана 60 кустоў руж як сімвал шасцідзесяці пражытых паэтам гадоў.

Зноскі

Літаратура

• 1643. Купалаўскі мемарыяльны запаведнік «Вязынка» // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1987. — Мінская вобласць. Кніга 2. — 308 с.: іл.