«Пастаўскі край»
Рэдакцыя газеты "Пастаўскі край"
Тып	газета
Галоўны рэдактар	Людміла Чаславаўна Зелянкевіч
Заснавана	1939
Мова	беларуская, руская
Перыядычнасць	два разы на тыдзень
Галоўны офіс	Паставы, вул. Ленінская, 42
Вэб-сайт	postawy.by

«Пастаўскі край» — раённая газета Пастаўскага раёна Віцебскай вобласці. Выдаецца з 1939 года. Заснавальнікі: Пастаўскі раённы выканаўчы камітэт і Пастаўскі раённы Савет дэпутатаў.

Гісторыя

У канцы верасня 1939 года на Пастаўшчыне, пасля ўз’яднання БССР, была створана мясцовая газета «Новы шлях».

Калі пачалася вайна, газета прыпыніла сваё існаванне. У лістападзе 1943 года на базе штабу партызанскай брыгады імя Варашылава ў нарачанскіх лясах выйшаў першы нумар газеты «За победу» — орган Пастаўскага падпольнага райкама партыі. У пасляваенныя гады яна стала насіць назву «Савецкі шлях». 3 красавіка 1962 года газета выхадзіла пад назвай «Звязда», з 1991 — «Пастаўскі край».

У 1991 годзе газета ўпершыню выйшла пад назвай «Пастаўскі край». У верасні 1998 года (№ 77) выйшаў першы нумар, які быў набраны і звярстаны на камп’ютары і надрукаваны афсетным спосабам у Наваполацкай друкарні. У 2006 годзе (№ 119—120) да Дня беларускага пісьменства, які праходзіў у Паставах, выйшаў першы паўнакаляровы нумар. З 2009 года газету можна чытаць у інтэрнэце. З чэрвеня 2014 года перайшла на поўнакаляровы друк^[1][2].

Рэдактары

• Аляксандр Іванавіч Шафараў (1939—1941)
• Якаў Сямёнавіч Раманаў (1944—1945)
• Валянцін Іванавіч Лявонаў (1947—1948)
• Іосіф Браніслававіч Агрызка (1948—1950)
• Тамара Ільінічна Асяненка (1950—1953)
• Фелікс Казіміравіч Станішэўскі (1953—1954)
• Тамара Ільінічна Асяненка (1954—1956)
• Іван Адамавіч Мандрык (1965—1959)
• Васіль Уладзіміравіч Магелявец (1959—1961)
• Павел Парамонавіч Дзядзёнак (1961—1972)
• Мікалай Іванавіч Маразюк (1972—1989)
• Пётр Пятровіч Курыловіч (1989—1999)
• Фаіна Альфонсаўна Касаткіна (1999—2017)
• Людміла Чаславаўна Зелянкевіч (з 2017)

Зноскі

Літаратура

• «Пастаўскі край» // Сродкі масавай інфармацыі Віцебскай вобласці / рэд. Л. Д. Мышлёнак. — Віцебск : Віцебская абласная друкарня, 2004. — С. 18-19.
• Раёнка паведамляе // Памяць: Пастаўскі раён : гісторыка-дакументальныя хронікі гарадоў і раёнаў Беларусі / рэдкал.: Г. К. Кісялёў [і інш.]; уклад.: К. І. Козак, А. І. Кузняцоў; рэд.-склад. Г. К. Кісялёў; мастак Э. Э. Жакевіч. — Мінск : Белта, 2001. — С. 469—477.