лорд[d]

Парфірый

Заграбска-Люблянская мітраполія[d]
13 ліпеня 2014 — 19 лютага 2021
Папярэднік Jovan Pavlović[d]
Патрыярх Сербскі[d]
з 19 лютага 2021
Папярэднік Ірыней, патрыярх сербскі
Адукацыя
Дзейнасць праваслаўны епіскап
Нараджэнне 22 ліпеня 1961(1961-07-22) (62 гады)
Аўтограф Выява аўтографа
Лагатып Вікісховішча Медыяфайлы на Вікісховішчы

Патрыярх Парфірый (свецкае імя Прваслаў Перыч; нар. 22 ліпеня 1961, г. Бечай, Сербія) — Патрыярх Сербскі.

Біяграфія

Скончыў пачатковую школу ў Чаругу, а гімназію — у Нові-Садзе ў 1980 годзе.

Вывучаў археалогію на Філасофскім факультэце Бялградскага ўніверсітэта, у 1987 годзе скончыў Багаслоўскі факультэт Сербскай Праваслаўнай Царквы ў Бялградзе.

Пастрыжаны ў манаства 11 красавіка 1986 года сваім духоўным айцом іераманахам Ірынеем (Булавічам), пасля епіскапам Бачскім. 23 чэрвеня таго ж года епіскап Рашска-Прызрэнскі Павел (у 1990-2009 гады — Патрыярх Сербскі) рукапалажыў манаха Парфірыя ў сан іерадыякана ў манастыры Святой Троіцы ў Мушуціштэ.

Навучаўся ў аспірантуры Багаслоўскага факультэта Афінскага ўніверсітэта ў 1987-1990 гадах. Там жа ў 2004 годзе абараніў доктарскую дысертацыю.

21 лістапада 1990 года рукапаложаны ў сан іераманаха ў манастыры Святых Архангелаў у Кавілі (Бацкая епархія) і тады ж прызначаны ігуменам гэтага манастыра.

14 мая 1999 года рашэннем Архіерэйскага Сабора абраны епіскапам Эгарскім, вікарыем Бацкай епархіі. 13 чэрвеня 1999 года Патрыярх Сербскі Павел узначаліў яго архіерэйскую хіратонію.

26 мая 2014 года Архіерэйскім Саборам абраны мітрапалітам Заграбска-Люблянскім. Настолаванне, якое здзейсніў Патрыярх Сербскі Ірыней, адбылося 13 чэрвеня ў Кафедральным саборы Праабражэння Гасподняга ў Заграбе.

18 лютага 2021 года Архіерэйскім саборам Сербскай Праваслаўнай Царквы абраны Патрыярхам Сербскім[2].

Зноскі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.