Горад Партызанск руск.: Партизанск Герб Сцяг Краіна  Расія Каардынаты 43°08′ пн. ш. 133°08′ у. д. Заснаваны 1896 Плошча 1288,6 км² Вышыня цэнтра 140 м Насельніцтва ▼ 40 473 чалавек (2010) Часавы пояс UTC+10 Тэлефонны код 42363 Паштовы індэкс 692864 Афіцыйны сайт partizansk.org Партызанск на карце Расіі

Медыяфайлы на Вікісховішчы

Партызанск (руск.: Партизанск) — горад (з 1932) краявога падпарадкавання ў Расіі. Насельніцтва 42,2 тыс. чал. (2005). Заснаваны ў 1896 годзе. Размешчаны ў даліне ракі Партызанская, за 50 км на поўнач ад Находкі, за 172 км на ўсход ад Уладзівастока. Чыгуначная станцыя.

Гісторыя

Паселішча было заснавана ў 1896 годзе як шахцёрскі пасёлак Сучанскі Руднік (названы па ранейшай кітайскай назве ракі Партызанскай — «Сучан»). 27 красавіка 1932 года пасёлак атрымаў статус горада і назву Сучан. У 1930-я гады горад называўся Гама́рнік у гонар ваеннага камісара Яна Гамарніка, які быў старшынёй Прыморскага крайвыканкама з 1923 па 1928 год. У 1937 годзе, калі Гамарнік скончыў жыццё самагубствам і быў абвешчаны «ворагам народа», гораду была вернута ранейшая назва «Сучан».

26 снежня 1972 года горад быў перайменаваны ў «Партыза́нск» у выніку кампаніі па ліквідацыі кітайскіх назваў на Далёкім Усходзе, якая стала следствам савецка-кітайскага ўзброенага канфлікту на востраве Даманскім.