Будынак аўстрыйскага парламента

Будынак парламента ў Вене

Парламент Аўстрыі (ням.: Österreichisches Parlament) — заканадаўчы орган Аўстрыі, які складаецца з дзвюх палат: Нацыянальрата і Бундэсрата. Злучанае паседжанне Парламента пры выбарах Прэзідэнта носіць назву Федэральны Сход.

• Нацыянальрат (183 месца). Дэпутаты абіраюцца па прапарцыйна-спісачнай сістэме. Партыйны бар’ер для траплення — 4 %. Тэрмін паўнамоцтваў — 5 год. З-за валодання большай часткай парламенцкіх паўнамоцтваў звычайна менавіта ён разумеецца пад назвай «Парламент Аўстрыі».
• Бундэсрат (64 месцы). Дэпутаты абіраюцца ландтагамі (парламентамі земляў). Землі прадстаўлены рознай колькасцю дэпутатаў (ад 3 да 12) у залежнасці ад колькасці насельніцтва. Тэрмін паўнамоцтваў дэпутата Бундэсрата — 4 ці 6 гадоў у залежнасці ад тэрміну паўнамоцтваў абраўшага яго ландтага.

Склад

Цяперашнія дэпутаты Нацыянальрата абраны ў 2008 годзе.

У Парламенце прадстаўлены:

• Аўстрыйская народная партыя (Österreichische Volkspartei) (28 дэпутатаў у Федэральным савеце і 79 дэпутатаў у Нацыянальным савеце);
• Сацыял-дэмакратычная партыя Аўстрыі (Sozialdemokratische Partei Österreichs) (23 і 69 дэпутатаў);
• Аўстрыйская партыя свабоды (Freiheitliche Partei Österreichs) (7 і 18 дэпутатаў),
• «Зялёныя» (Die Grünen — Die Grüne Alternative (Grüne)) (4 і 17 дэпутатаў).

Гісторыя

У 1848 апублікаваны ўказ імператара Аўстрыі Фердынанда I аб стварэнні аднапалатнага выбарнага парламента — Рэйхстага.

У 1849 Рэйхстаг разагнаны.

У 1861 створаны новы заканадаўчы орган для ўсёй Аўстра-Венгерскай імперыі — Рэйхсрат (Імперскі Савет).

У 1867 ўтворана Аўстра-Венгерская манархія, Рэйхсрат стаў парламентам аўстрыйскай часткі.

У 1873 ўведзена ўсеагульнае права голасу для мужчын, у 1907 — для жанчын. У 1907 праведзены першыя ўсеагульныя выбары.

У 1918 утвораны часовы Нацыянальны Сход.

З 1934 па 1945 — пасля ўсталявання аўстрафашысцкага рэжыму і пасля аншлюсу — Парламент не функцыянаваў.