Пажарны цягнік

Пажарны цягнік — чыгуначны састаў, прызначаны для тушэння пажараў у непасрэднай блізкасці ад чыгуначных шляхоў, лакаматываў і на аб'ектах, размешчаных паблізу паласы адводу, а таксама для аказання дапамогі пры аварыі, крушэнні, лясных пажарах, паводках і іншых стыхійных бедствах.

Класіфікацыя і састаў

Пажарныя цягнікі ў залежнасці ад тактыка-тэхнічных характарыстык падпадзяляюцца на:

• першай катэгорыі (спецыялізаваныя)
• другой катэгорыі

Цягнік другой катэгорыі фарміруецца з:

• вагона для размяшчэння асабістага складу, помпавых установак, электрастанцыі, пажарнага інвентару і запасу спецыяльных сродкаў пажаратушэння
• двух-трох цыстэрнаў з запасам вады

У спецыялізаваны цягнік ўваходзіць дадаткова:

• крыты грузавы вагон для размяшчэння абсталявання і матэрыялаў неабходных для ліквідацыі аварыйных сітуацый на чыгунцы і перапампоўкі вадкасцяў з няспраўных цыстэрнаў
• цыстэрна-прыёмнік для збору аварыйнай вадкасці пры ліквідацыі аварыйных сітуацый (у камплектацыі асобных цягнікоў)

Пажарны цягнік абсталёўваецца сродкамі сувязі, крыніцамі электрычнай энергіі.