Вёска
Падкоссе
Падкоссе на карце Беларусі ±   |
Падко́ссе[1] (трансліт.: Padkossie, руск.: Подкосье) — вёска ў Пухавіцкім раёне Мінскай вобласці. Уваходзіць у склад Пухавіцкага сельсавета.
Геаграфія
Знаходзіцца за 14 кіламетраў на ўсход ад Мар’інай Горкі і чыгуначнай станцыі Пухавічы лініі Мінск-Асіповічы.
Назва
Назва паходзіць ад наймення мясцовасці, угодзевага ўрочышча, дзе заснавана пасяленне.
Гісторыя
Пад уладай Расійскай імперыі
У пачатку 20 ст. пасяленне было вядома як ваколіца Пухавіцкай воласці Ігуменскага павета Мінскай губерні.
Найноўшы час
У Першую сусветную вайну ў лютым — снежні 1918 года была пад акупацыяй войскаў кайзераўскай Германіі.
25 сакавіка 1918 года згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 года ў адпаведнасці з пастановай І з’езда КП(б) Беларусі вёска ўвайшла ў склад БССР.
У жніўні 1919 — ліпені 1920 вёска знаходзілася пад польскай уладай.
На пачатку 1930-ых гг. створаны калгас "Ленінскі шлях", працавала кузня.
Пад час Другой сусветнай вайны з канца чэрвеня 1941 г. да 2 ліпеня 1944 г. акупіравана нямецкімі войскамі.
Да 29 чэрвеня 2006 года вёска ўваходзіла ў склад Краснаакцябрскага сельсавета[2].
Насельніцтва
- Пачатак ХХ ст. — 23 двары, 143 жыхары.
- 1917 год — 36 двароў, 175 жыхароў.
- 1 студзеня 2002 года — 33 двары, 55 жыхароў.
Турыстычная інфармацыя
- Брацкая магіла (1941—1944 гады).
Вядомыя выхадцы
- Міхаіл Вячаслававіч Пракаповіч — герой руска-японскай вайны.
Зноскі
- ↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
- ↑ Решение Минского областного Совета депутатов от 29 июня 2006 г. №222 "Об упразднении Горелецкого, Краснооктябрьского, Селецкого, Сергеевичского сельсоветов и изменении границ Новоселковского, Пуховичского, Ветеревичского сельсоветов и Правдинского поссовета Пуховичского района" (руск.)
Літаратура
- Памяць : Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А. Прановіч; рэдкалегія: А. М. Карлюкевіч і інш.]. — Мінск : Беларусь, 2003. — 748 с. — 3000 экз. ISBN 985-01-0251-9
Спасылкі
На Вікісховішчы пакуль няма медыяфайлаў па тэме, але Вы можаце загрузіць іх
 | |
|---|---|
| Цэнтр | |
| Вёскі | Асавок · Балачанка · Балоча · Баравая · Восава · Высокая Старына · Вялікія Лукі · Глушка · Дукаўка · Залессе · Зафранцузская Грэбля · Зацітава Слабада · Зацішша · Красны Акцябр · Ліпнікі · Маркаўчызна · Машчонава · Міжрэчча · Наваполле · Падбярэжжа · Падкоссе · Падсобнае · Пестун · Растокі · Раўчак · Рэпішча · Снусцік · Французская Грэбля · Хідра · Ясная Паляна |