Пагарскі раён
Погарский район
Герб
Краіна	Расія
Статус	раён
Уваходзіць у	Бранская вобласць
Адміністрацыйны цэнтр	Пагар
Дата ўтварэння	1929
Насельніцтва (2009)	31 995
Плошча	1 210 км²
Часавы пояс	UTC+3
Тэлефонны код	+7 48349
Код аўтам. нумароў	32
Афіцыйны сайт (руск.)
Медыяфайлы на Вікісховішчы

Пагарскі раён (руск.: Погарский район) — адміністрацыйна-тэрытарыяльная адзінка на поўдні Бранскай вобласці Расіі. Адміністрацыйны цэнтр — пасёлак гарадскога тыпу Пагар.

Геаграфія

Плошча раёна — 1210 км². Асноўныя рэкі — Судасць, Вара, Вабля.

Прыродныя рэсурсы

На тэрыторыі раёна вядзецца здабыча пяску, гліны, торфу.

Экалогія

Чарнобыльская катастрофа прывяла да пагаршэння экалагічнага становішча Пагарскага раёна. Практычна ўвесь раён апынуўся ў зоне радыяцыйнага забруджвання (1—5 Кюры/км²).

Дэмаграфія

Насельніцтва раёна складае 34,1 тыс. чалавек, у тым ліку ў гарадскіх умовах жывуць каля 11,5 тыс. Усяго налічваецца 132 населеныя пункты.

Адміністрацыйна-тэрытарыяльны падзел

Пасля муніцыпальнай рэформы (2005) у раёне маецца 1 гарадское і 14 сельскіх паселішчаў:

Гарадское паселішча:

• Пагарскае гарадское паселішча

Сельскія паселішчы:

• Баршчоўскае сельскае паселішча
• Вадзькаўское сельскае паселішча
• Віцямлянскае сельскае паселішча
• Гарадзішчанскае сельскае паселішча
• Гетуноўскае сельскае паселішча
• Грынёўскае сельскае паселішча
• Долбатаўскае сельскае паселішча
• Кісцерскае сельскае паселішча
• Пасудіцкае сельскае паселішча
• Прырубкінскае сельскае паселішча
• Стэчанскае сельскае паселішча
• Сувораўскае сельскае паселішча
• Чавускае сельскае паселішча
• Юдзінаўскае сельскае паселішча

Славутасці

• Царква Св. Мікалая ў в. Балыкіна.
• Царква Св. Міхала Арханёла ў в. Бобрык.
• Сядзібна-паркавы комплекс Безбародкаў і царква Св. Тройцы ў в. Грынёва.
• Царква Св. Дзмітрыя Салунскага ў в. Дараеўск.
• Царква Св. Параскевы Пятніцы ў в. Зарэчнае.
• Царква Св. Мікалая ў в. Курава.
• Царква Покрыва Прасв. Багародзіцы ў в. Лобкі.
• Царква Нараджэння Божай Маці і гарадзішча ў в. Пасудзічы.
• Царква Св. Мікалая і гарадзішча радзімічаў «Сінін Мост» у в. Сінін.
• Царква Нараджэння Божай Маці ў в. Стэчна.
• Дом-музей беларускага археолага К. Палікарповіча і музей «Палеалітычная стаянка» ў в. Юдзінава.

Ураджэнцы і жыхары

• Іван Мікалаевіч Нікітчанка (1939—2010) — беларускі навуковец у галіне селекцыі жывёл.
• Міхаіл Васілевіч Семяненка (нар. 1950, сяло Сапычы) — вучоны ў галіне насенняводства^[1].
• Аляксандр Шкурко — навуковец, палярнік.
• Яўген Шляхта — доктар медыцынскіх навук, прафесар, заслужаны дзеяч навукі РФ, член-карэспандэнт РАМН.

Зноскі

Спасылкі

• На Вікісховішчы ёсць медыяфайлы па тэме Пагарскі раён
• Пагарскі раён на Radzima.org