ППМД
ППМД
Класіфікацыя	браняваная медыцынская машына
Баявая маса, т	11,5
Кампанавальная схема	МТ-ЛБ
Экіпаж, чал.	2
Дэсант, чал.	4
Гісторыя
Вытворца	Мінатор-Сэрвіс
Асноўныя аператары
Габарыты
Даўжыня, мм	7475
Шырыня, мм	2850
Вышыня, мм	2450
Рухомасць
Хуткасць па шашы, км/г	60
Хуткасць па перасечанай мясцовасці, км/г	60
Запас ходу па шашы, км	не менш за 500
Запас ходу па перасечанай мясцовасці, км	не менш за 400

ППМД (Перасоўны пункт медыцынскай дапамогі; руск. ППМП, Передвижной пункт медицинской помощи) — беларуская браняваная медыцынская машына.

Апісанне

ППМД прызначана для арганізацыі ў раёнах баявых дзеянняў мабільных перавязачных пунктаў для аказання першай медыцынскай дапамогі параненым і пацярпелым. Можа перасоўвацца ва ўмовах бездарожжа па перасечанай мясцовасці, пераадольваць водныя перашкоды і абараняцца ад куль і аскепкаў.

У кармавой частцы машыны размяшчаецца адсёк аб’ёмам 8 м³, дзе размяшчаюцца шафы з медыцынскім абсталяваннем і інструментамі, запасам лекаў і перавязачных матэрыялаў. Там таксама размяшчаюцца адкідныя сядзенні для перавозкі лёгка параненых, ёсць магчымасць размяшчэння ў тры яруса насілак з цяжка параненымі. На стаянцы ля кармавога ліста корпуса машыны, насупраць кармавога люка можа разгортвацца палатка, якая служыць мабільным медпунктам (для апрацоўкі параненых у палявых умовах). У руху палатка ў складзеным выглядзе перавозіцца ў кошыках, размешчаных па бартам машыны. На машыне ўсталяваны кліматычная ўстаноўка, маецца бак пітной вады. Для забеспячэння энергазабеспячэння на машыне ўжываецца пераносны дызельны генератар пераменнага току магутнасцю да 5000 Вт.

Спасылкі

• Передвижной пункт медицинской помощи на сайте Минотор-Сервис Архівавана 30 чэрвеня 2012.