Нацыянальны музей мастацтва Каталоніі
Museu Nacional d’Art de Catalunya
Museo Nacional de Arte de Cataluña

Нацыянальны палац
Заснаваны 1990
Адкрыты 1934
Месцазнаходжанне Барселона
Palau Nacional
Parc de Montjuïc 08038 Barcelona
Наведвальнікі
  • 718 000 чал. (2014)
  • 653 917 чал. (2013)
  • 466 600 чал. (2012)
  • 837 700 чал. (2019)[1]
Праезд метро Pl. Espanya
Дырэктар Josep Serra i Villalba[d]
Адкрыты аўт-сб 10-19, няд 10-14.30
museunacional.cat/… (англ.)
Лагатып Вікісховішча Медыяфайлы на Вікісховішчы

Нацыянальны музей мастацтва Каталоніі (катал.: Museu Nacional d’Art de Catalunya, ісп.: Museo Nacional de Arte de Cataluña, скар. MNAC) — музей у Барселоне, створаны ў 1990 годзе ў выніку аб'яднання калекцый Музея сучаснага мастацтва і Музея мастацтва Каталоніі.

Музей з'яўляецца кансорцыумам горада Барселона і міністэрства культуры Каталоніі. Яго штаб-кватэра размяшчаецца ў Нацыянальным палацы ля падножжа гары Манжуік, адкрытым у 1929 годзе да Сусветнай выставе ў Барселоне. У склад MNAC таксама ўваходзяць яшчэ тры ўстановы культуры ў Вілановэ-і-ла-Жэльтру, Алотэ і Сіджэсэ.

Калекцыі

Калекцыя раманікі лічыцца адной з самых поўных у свеце. Яе аснову ўтварае унікальны аддзел раманскіх фрэсак, экспануемых на адпаведным архітэктурным фоне. Некаторыя буйныя творы насценнага жывапісу XII і XIII стагоддзяў былі вывезены ў 1920-я гады з маленькіх цэркваў у Пірэнеях і былі адпаведнай кансервацыі. Акрамя таго ў калекцыю ўваходзіць аб'ёмны збор жывапісу па дрэве і драўлянай скульптуры.

Ядро гатычнай калекцыі музея ўтвараюць Каталонскі станковы жывапіс і скульптура, прадстаўленая некалькімі працамі Берната Мартарэля, Хаймэ Угу і Луіса Далмаў.

Мастацтва барока і рэнесансу прадстаўлена больш сціпла з прычыны меншай значнасці Каталоніі ў той перыяд, але тым не менш музей валодае значнымі творамі мастацтва XVI-XVIII стагоддзяў і не толькі каталонскага. Заслугоўваюць увагі працы Эль Грэка і Веласкеса. Калекцыя «Llegat Cambó» уяўляе выбітныя ўзоры італьянскага і французскага барочнага жывапісу, у прыватнасці, ранняга нідэрландскага жывапісу і італьянскага кватрачэнта. У экспазіцыю ўключаны таксама некаторыя экспанаты з фондаў Музея Ціс-Барнемісы.

Збор жывапісу мадэрну аб'ядноўвае вядомыя творы каталонскага мастацтва XIX і першай паловы XX стагоддзяў.

У музеі працуюць нумізматычны і гравюрны аддзелы, а таксама універсальная і мастацкая бібліятэкі. Акрамя выставачнай дзейнасці ў пастаяннай і зменнай экспазіцыях музей займаецца рэстаўрацыйнымі і кансервацыйнымі работамі.

Літаратура

  • DDAA. Museu Nacional d'Art de Catalunya. Florència: Mnac i SCALA GROUP S.p.A, 2009. ISBN 978-84-8043-198-9.
  • DDAA. El Romànic a les col·leccions del MNAC. Barcelona: Editorial Lunwerg, 2009. ISBN 978-84-9785-546-4.

Спасылкі

  1. ↑ https://www.larepublica.cat/minut-a-minut/el-mnac-va-rebre-837-700-visitants-el-2019-un-6-menys-que-lany-anterior/
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.