Народны камісарыят аўтамабільнага транспарту Беларускай ССР
Агульная інфармацыя
Краіна	БССР
Юрысдыкцыя	БССР
Дата стварэння	28 ліпеня 1939
Дата скасавання	26 сакавіка 1946
Заменена на	Міністэрства аўтамабільнага транспарту БССР
Вышэйшае ведамства	Савет Народных Камісараў БССР

Наро́дны камісарыя́т аўтамабі́льнага тра́нспарту Белару́скай ССР быў утвораны 28 ліпеня 1939 года. З 1946 года пераўтвораны ў Міністэрства аўтамабільнага транспарту БССР.

Паўнамоцтвы

На Народны камісарыят аўтамабільнага транспарту былі ўскладзены наступныя абавязкі:

• кіраўніцтва падрыхтоўкай і перападрыхтоўкай інжынерна-тэхнічных кадраў, кадраў масавых прафесій для аўтамабільнага транспарту БССР (шафёраў, рамонтнікаў, аўтамеханікаў і інш.) і арганізацыю завочнага навучання іх разам з падрыхтоўкай масавых кадраў, якая праводзілася ў гэты час наркаматамі і ўстановамі;
• арганізацыя і кіраўніцтва эксплуатацыяй аўтатранспарту, распрацоўка адзіных нарматываў эксплуатацыі, абслугоўвання і рамонту аўтамашын, а таксама распрацоўка тарыфаў на перавозку грузаў і пасажыраў для ўсяго аўтамабільнага транспарту на тэрыторыі БССР;
• распрацоўка тыпавых праектаў гаражоў, аўтарамонтных майстэрняў і іншых відаў аўтатранспартных прадпрыемстваў, а таксама распрацоўка нормаў па будаванню аўтапрадпрыемстваў для ўсяго аўтамабільнага транспарту на тэрыторыі БССР;
• распрацоўка адзіных нормаў і тарыфных ставак аплаты працы працоўным, службоўцам і ІТР для ўсяго аўтатранспарту на тэрыторыі БССР;
• каапераванне на дамоўных пачатках сродкаў асобных гаспадарчых органаў, арганізацый і народных камісарыятаў, зацікаўленых у пабудове гаражоў агульнага карыстання.

Наркамы

• Барыс Сцяпанаў (1939^[1] — ?)

Зноскі

Спасылкі

• Постановление Совета Народных Комиссаров Белорусской ССР от 13 октября 1939 г. № 792 «Об утверждении Положения о Народном Комиссариате Автомобильного Транспорта БССР» (руск.)
• Народны камісарыят аўтамабільнага транспарту БССР у картатэцы Фондавага каталога дзяржаўных архіваў Рэспублікі Беларусь.