Вёска Нагорнае Краіна Беларусь Вобласць Брэсцкая Раён Баранавіцкі Сельсавет Вольнаўскі Каардынаты 53°15′20″ пн. ш. 26°16′13″ у. д. Насельніцтва ▼53 чал. (2009) Часавы пояс UTC+3 Тэлефонны код +375 163 Аўтамабільны код 1 СААТА 1204807041 Нагорнае на карце Беларусі ±

Наго́рнае^[1] (трансліт.: Nahornaje, руск.: Нагорное) — вёска ў Баранавіцкім раёне Брэсцкай вобласці. Уваходзіць у склад Вольнаўскага сельсавета. Размешчана за 24 км на паўднёвы ўсход ад Баранавічаў, за 9 км ад чыгуначнай станцыі Пагарэльцы на лініі Баранавічы — Мінск.

Гісторыя

У 1897 годзе ў Чэрніхаўскай воласці Навагрудскага павета Мінскай губерні.

У 1905 годзе тут адбылося хваляванне сялян, якія зрабілі самавольную высечку памешчыцкага лесу. З 1921 года ў складзе Польскай Рэспублікі, у Чэрніхаўскай гміне Баранавіцкага павета Навагрудскага ваяводства.

З 1939 года ў БССР. З 15 студзеня 1940 года ў Гарадзішчанскім раёне Баранавіцкай, з 8 студзеня 1954 года Брэсцкай абласцей, з 25 снежня 1962 года ў Баранавіцкім раёне.

У Вялікую Айчынную вайну з канца чэрвеня 1941 года да ліпеня 1944 года вёска акупіравана нямецка-фашысцкімі захопнікамі. На франтах вайны загінулі 5 вяскоўцаў.

Да 1962 года вёска ўваходзіла ў склад Савіцкага сельсавета^[2].

Насельніцтва

• 28 двароў, 184 жыхары (1897)
• 283 жыхары (1939)
• 139 жыхароў (1970)
• 75 двароў, 102 жыхары (1998)
• 49 гаспадарак, 41 жыхар (2005)

Зноскі

Літаратура

• Нагорная // Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх