Міхаіл Якаўлевіч Паўлаў

Міхаіл Якаўлевіч Паўлаў
Міхаіл Якаўлевіч Паўлаў
Старшыня Мінскага гарадскога выканаўчага камітэта
	28 сакавіка 2000 — 10 чэрвеня 2009
Папярэднік	Уладзімір Ярмошын
Пераемнік	Мікалай Ладуцька
Старшыня Баранавіцкага гарадскога выканаўчага камітэта
	чэрвень 1997 — сакавік 2000
Папярэднік	Валерый Захарчанка
Пераемнік	Віктар Дзічкоўскі
Нараджэнне	1 верасня 1952; Ордаць, Гарадзішчанскі сельсавет, Шклоўскі раён, Магілёўская вобласць, БССР, СССР;
Смерць	6 чэрвеня 2010 (57 гадоў); Мінск, Беларусь;
Месца пахавання	Усходнія могілкі;
Нацыянальнасць	беларус
Адукацыя	Беларуска-Расійскі ўніверсітэт;
Навуковая ступень	кандыдат тэхнічных навук
Дзейнасць	палітык
Узнагароды	ганаровы грамадзянін Мінска[d] (25 чэрвеня 2009) ; Паходня Бірмінгема[d]

Міхаі́л Я́каўлевіч Па́ўлаў (1 верасня 1952, в. Ордаць, Шклоўскі раён, Магілёўская вобласць — 6 чэрвеня 2010, Мінск, Беларусь^[1]) — беларускі дзяржаўны дзеяч, старшыня Мінскага гарвыканкама ў 2000—2009 гг.

Біяграфія

Скончыў Магілёўскі машынабудаўнічы інстытут і Акадэмію народнай гаспадаркі пры Урадзе Расійскай Федэрацыі. Меў спецыяльнасці інжынера-механіка па абсталяванні і тэхналогіі зварачнай вытворчасці, вядучага спецыяліста па кіраванні — менеджара вышэйшай кваліфікацыі.

Працоўную дзейнасць пачаў электразваршчыкам у міжкалгаснай будаўнічай арганізацыі Валожынскага раёна Мінскай вобласці. Пасля службы ў войску працаваў на Баранавіцкім камбінаце сянажных веж, прайшоў шлях ад электразваршчыка да дырэктара гэтага камбіната. Пасля гэтага на працягу дзесяці гадоў узначальваў калектыў Баранавіцкага завода гандлёвага машынабудавання. З 1997 г. — старшыня Баранавіцкага гарвыканкама. З сакавіка 2000 г. — старшыня Мінскага гарвыканкама, змяніў на гэтай пасадзе будучага прэм'ер-міністра Уладзіміра Ярмошына. Член Савета Рэспублікі Нацыянальнага сходу Рэспублікі Беларусь (2000, 2004).

6 красавіка 2009 года Міхаіл Паўлаў быў шпіталізаваны ў 5-ю клінічную лякарню Мінска. 7 красавіка яму была зробленая аперацыя па выдаленні пухліны галаўнога мозгу. Аперацыю рабіў прафесар Арнольд Сеяновіч, член-карэспандэнт Нацыянальнай акадэміі навук Беларусі. Рэабілітацыю былы мер Мінска прайшоў у Ізраілі^[1]. У верасні ў сувязі з рэцыдывам пухліны Паўлаву была зробленая паўторная аперацыя. 6 чэрвеня 2010 года Міхаіл Якаўлевіч Паўлаў па прычыне працяглай хваробы памёр.

Узнагароды

ордэн Айчыны 3-й ступені (красавік 2010)
ордэн Пашаны Рэспублікі Беларусь
Дзве падзякі Прэзідэнта Рэспублікі Беларусь.
Міжнародная узнагарода «Паходня Бірмінгема»
заслужаны працаўнік прамысловасці Рэспублікі Беларусь, Ганаровы грамадзянін Мінска (25 чэрвеня 2009), Кандыдат тэхнічных навук

Ушанаванне памяці

1 верасня 2012 года ў Маскоўскім раёне Мінска быў урачыста адкрыты Парк імя Міхаіла Паўлава.

Зноскі

1 2 Памёр былы мер Мінска Міхаіл Паўлаў // Наша Ніва, 6 чэрвеня 2010

Спасылкі

Куды падзеўся Міхаіл Паўлаў?(недаступная спасылка) // Ігар Карней, Радыё Свабода
Мэра Павлова оперировал ведущий нейрохирург Беларуси Архівавана 12 красавіка 2009. (руск.)
Мэр Минска лечится в Германии? Архівавана 23 красавіка 2009. (руск.)
Міхаіл Паўлаў стаў ганаровым грамадзянінам Мінску Архівавана 29 чэрвеня 2009.
Былы сталічны мэр Міхаіл Паўлаў перанёс паўторную аперацыю Архівавана 14 верасня 2009. (руск.) // Ежедневник

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[nn_dec-1] 1 2 Памёр былы мер Мінска Міхаіл Паўлаў // Наша Ніва, 6 чэрвеня 2010

[1]

Старшыні Мінскага гарадскога выканаўчага камітэта
БССР	Віктар Яркін (1918—1919) • Казімір Цыхоўскі (1919) • Фрыц Кюсэ (1920—1921) • Адольф Гетнер (1922—1923) • Сяргей Карп (1924) • Адам Славінскі (1924) • Сцяпан Яцкевіч (1924—1929) • Нічыпар Аксючыц (1929—1930) • Іосіф Валодзька (1931—1933) • Антон Каранеўскі (1933—1934) • Емяльян Жуковіч (1934—1937) • Канстанцін Бударын (1940—1941), (1944—1945) • Іван Паромчык (1945—1946) • Канстанцін Длугашэўскі (1946—1954) • Васіль Шарапаў (1954—1968) • Міхаіл Кавалёў (1968—1977) • Генадзь Барташэвіч (1977) • Станіслаў Лукашэвіч (1977—1980) • Георгій Таразевіч (1980—1983) • Валерый Пячэннікаў (1983—1985) • Уладзімір Міхасёў (1985—1990) • Міхаіл Марыніч (1990—1991)
Рэспубліка Беларусь	Аляксандр Герасіменка (1991—1995) • Уладзімір Ярмошын (1995—2000) • Міхаіл Паўлаў (2000—2009) • Мікалай Ладуцька (2010—2014) • Андрэй Шорац (2014—2018) • Анатоль Сівак (2018—2020) • Уладзімір Кухараў (з 2020)