| Міхаіл Фёдаравіч Меражынскі | |
|---|---|
| Дата нараджэння | 27 чэрвеня (10 ліпеня) 1906[1] ці 1904[2] |
| Месца нараджэння | |
| Дата смерці | 1 жніўня 1970[1] ці 1985[2] |
| Месца пахавання | |
| Грамадзянства |
 Расійская імперыя,  СССР |
| Род дзейнасці | урач, біяхімік, выкладчык універсітэта, загадчык кафедры, прарэктар |
| Навуковая сфера | біяхімія |
| Месца працы | Пермскі дзяржаўны медыцынскі ўніверсітэт імя акадэміка Я. А. Вагнера, Казанскі дзяржаўны медыцынскі ўніверсітэт, Федэральны даследчы цэнтр харчавання, біятэхналогіі і бяспекі ежы, Беларускі дзяржаўны медыцынскі ўніверсітэт |
| Навуковая ступень | доктар біялагічных навук (1942) |
| Альма-матар | |
| Навуковы кіраўнік | Аляксандр Уладзіміравіч Паладзін |
| Узнагароды |
 |
Міхаіл Фёдаравіч Меражы́нскі[3] (руск.: Михаил Фёдорович Мережинский; 10 ліпеня 1906, Бахчысарай — 31 ліпеня 1970) — вучоны ў галіне біяхіміі. Доктар біялагічных навук (1942), прафесар (1942).
Біяграфія
Нарадзіўся ў Бахчысараі. Працаваў на станцыі Слабодка Паўднёва-Заходняй чыгункі, у 1923—1925 гадах вучыўся на рабфаку Адэскага медыцынскага інстытута[4]. Скончыў Адэскі медыцынскі інстытут у 1930 годзе, у 1930—1933 гадах у аспірантуры пры пры кафедры біяхіміі ў ім, у 1933—1934 гадах — асістэнт[4]. У 1934—1937 гадах аспірант Інстытута біялагічнай хіміі Акадэміі навук Украінскай ССР, у 1937—1938 гадах — старшы навуковы супрацоўнік. У 1938—1944 гадах займаў пасаду загадчыка кафедры біяхіміі Пермскага медыцынскага інстытута, у 1944—1945 гадах — дырэктара Інстытута харчавання Акадэміі медыцынскіх навук СССР, у 1945—1950 гадах — загадчыка кафедры біяхіміі Казанскага медыцынскага інстытута[4].
З 1950 года М. Ф. Меражынскі ў Мінскім медыцынскім інстытуце — загадчык кафедры біяхіміі і адначасова (у 1963—1966 гадах) прарэктар па навуковай рабоце.
Навуковая дзейнасць
Аўтар навуковых прац па акісляльна-аднаўленчых працэсах пры авітамінозах, абмене рэчываў пры інсулінатэрапіі, метабалічных парушэннях пры траўмах, парушэннях абмену рэчываў пры ненармальным харчаванні, ролі гармонаў і вітамінаў у забяспечванні біялагічнай аховы арганізма, біяхімічным стане клетачных і субклетачных мембран пры захворваннях.
Некаторыя працы:
- Механизм действия и биологическая роль витаминов. — Мн., 1959. (разам з Л. С. Чаркасавай)
- Обмен жиров и липидов. — М., 1961. (разам з Л. С. Чаркасавай)
- Основы клинической биохимии. — М., 1965. (разам з Л. С. Чаркасавай)
- Нарушения углеводного обмена при заболеваниях человека. — Мн., 1967
Зноскі
- 1 2 https://www.bsmu.by/page/55/3122/
- 1 2 3 4 http://unicat.nlb.by/opac/pls/dict.prn_ref?tu=r&tq=v0&name_view=va_aall&a001=BY-SEK-312506&strq=l_siz=20
- ↑ Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.
- 1 2 3 Мережинский Михаил Федорович (27.06(10.07).1906-01.08.1970) Архівавана 10 ліпеня 2020. (руск.) // Сайт БДМУ
Літаратура
- Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).
- Меражынскі Міхаіл Фёдаравіч // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз. — С. 337.
Спасылкі
- Мережинский Михаил Федорович (27.06(10.07).1906-01.08.1970) Архівавана 10 ліпеня 2020. (руск.) // Беларускі дзяржаўны медыцынскі ўніверсітэт