Міхаіл Фёдаравіч Дзячко
Міністр унутраных спраў БССР 9 чэрвеня 1953 — 21 ліпеня 1953
Папярэднік	Міхаіл Баскакаў
Пераемнік	Міхаіл Баскакаў
Нараджэнне	1912 Петрыкаў, Мазырскі павет, Мінская губерня, Расійская імперыя
Смерць	29 кастрычніка 1987(1987-10-29) Мінск, БССР, СССР
Адукацыя	Інстытут масавага завочнага навучання партактыву пры ЦК КП(б)Б[d]
Месца працы	Камітэт дзяржаўнай бяспекі Беларускай ССР
Ваенная служба
Гады службы	1930—1958
Прыналежнасць	СССР
Званне	Палкоўнік Палкоўнік дзяржаўнай бяспекі
Узнагароды

Міхаі́л Фё́даравіч Дзячко́ (1912, г. Петрыкаў, Мазырскі павет, Мінская губерня — 29 кастрычніка 1987, Мінск) — савецкі супрацоўнік органаў дзяржаўнай бяспекі, былы міністр унутраных спраў Беларускай ССР, палкоўнік дзяржаўнай бяспекі.

Біяграфія

Нарадзіўся ў сям’і цесляра. Беларус. У КП(б)Б з сакавіка 1939 года (выключаны 25 мая 1959 года Мінскім абкамам КПБ за «парушэнні сацыялістычнай законнасці»).

Навучаўся ў Петрыкаўскай школе 2 ступені, у 1937 годзе скончыў Беларускі інстытут масавага завочнага навучання пры ЦК КП(б)Б.

У 1930 годзе працаваў на пасадах адказнага сакратара Петрыкаўскага гарвыканкама і загадчыка спецчасткай леспрамгаса.

У органах АДПУ-НКУС-НКДБ-МДБ-МУС-КДБ з лістапада 1930 года: у Мазырскім акруговым аддзеле АДПУ-НКУС, Палескім абласным упраўленні НКУС, НКУС БССР. У гады Вялікай Айчынная вайны служыў у органах НКУС Паўднёва-Уральскай ваеннай акругі.

27 лістапада 1943 года быў адкамандзіраваны ў НКДБ БССР і прызначаны начальнікам аддзела УНКДБ Гомельскай вобласці, з сакавіка 1944 года начальнік 1-га ўпраўлення НКДБ БССР, са студзеня па ліпень 1945 года начальнік штаба Апарата ўпаўнаважаных НКУС па 2-му Беларускаму фронту, да сакавіка 1953 года кіраваў 1-ым і 2-ім упраўленнямі НКДБ-МДБ БССР.

6 красавіка 1953 года быў прызначаны намеснікам міністра унутраных спраў БССР, неўзабаве стаў міністрам, але хутка зноў стаў намеснікам міністра.

15 чэрвеня 1954 года быў прызначаны 1-м намеснікам старшыні КДБ пры СМ БССР. 29 ліпеня 1958 года быў звольнены «па фактах дыскрэдытацыі».

Выведзены з кандыдатаў у члены ЦК КПБ 29 кастрычніка 1958 года «за грубыя парушэнні сацыялістычнай законнасці».

Узнагароды

• 3 ордэны Чырвонага Сцяга (05.11.44, 21.04.45, 01.06.51);
• ордэн Айчыннай вайны 2 ступені (28.10.43);
• ордэн Працоўнага Чырвонага Сцяга (30.12.48);
• ордэн Чырвонай Зоркі (30.04.46);
• 6 медалёў;
• знак «Заслужаны работнік НКУС» (27.04.40).

Літаратура

• Петров Н. В. Дечко Михаил Федорович // Кто руководил органами госбезопасности: 1941-1954. — М.: Междунар. о-во «Мемориал»: Звенья, 2010. — С. 332. Архівавана 2 снежня 2020.