Міхаіл Уладзіміравіч Дражын
Сцяг Старшыня Магілёўскага аблвыканкама
12 сакавіка 1999 — 17 кастрычніка 2000
Кіраўнік урада Сяргей Лінг
Уладзімір Ярмошын
Папярэднік Аляксандр Кулічкоў
Пераемнік Барыс Батура
Нараджэнне 1951
Адукацыя
Узнагароды
Ордэн «Знак Пашаны»
Медаль «За працоўныя заслугі»
Медаль «За працоўныя заслугі»

Міхаі́л Уладзі́міравіч Дра́жын (нар. 1951, Дражна, Старадарожскі раён, Мінская вобласць) — беларускі гаспадарчы і дзяржаўны дзеяч, былы старшыня Магілёўскага аблвыканкама.

Біяграфія

Нарадзіўся ў 1951 годзе ў аграгарадку Дражна Старадарожскага раёна Мінскай вобласці. Скончыў Віцебскі ветэрынарны інстытут і Мінскую вышэйшую партыйную школу.

З 1971 года працаваў у гаспадарках Асіповіцкага раёна: фельчарам у саўгасе імя Ульянава, намеснікам старшыні калгаса «Бальшавік».

У 1980—1984 гадах — старшыня калгаса імя Валадарскага.

У 1985—1989 гадах — старшыня Магілёўскага раённага аграпрамысловага аб’яднання.

У 1989—1991 гадах — адказны арганізатар ЦК КПБ.

У 1991—1993 гадах — саветнік па аграпрамысловаму комплексу вытворчасці Рэспублікі Малдова ў Беларусі.

У 1993—1998 гадах працаваў генеральным дырэктарам аграгандлёвай фірмы «Ждановічы» Мінскага раёна.

У 1998 годзе быў прызначаны першым намеснікам старшыні Мінскага аблвыканкама.

У 1999[1]—2000[2] гадах — старшыня Магілёўскага аблвыканкама.

Быў прызначаны генеральным дырэктарам РУП «Мінскаўтазапраўка», пасля да 2012 года быў спецыяльным прадстаўніком расійскай нафтавай кампаніі «Русснефть»[3].

Узнагароды

Узнагароджаны ордэнам «Знак Пашаны» і медалём «За працоўныя заслугі».

Зноскі

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.